«Sämrux-2019» el premiyaseneñ saylap alu etapları däwam itä: «El ölkän äydamanı» nominatsiyase ← kire kaytirga
17-nçe dekabrdä Sälät Yortında «Sämrux-2019» el premiyasenä saylap alu etaplarınıñ ikençese ütte – «El ölkän äydamanı».
Äñgämä nigezendä saylap alu etabına portfolio nigezendä saylap alunı ütkän katnaşuçılar çakırıla. «El ölkän äydamanı» nominatsiyaseneñ bu saylap alu etabına 6 katnaşuçı ütte. Alar:
✔Karina Tsoy
✔Rezedä Abdullina
✔Zärinä Xälilowa
✔Ayzirä Kärimullina
✔Ildus Usmanow
✔Ayaz Xanafin
Här katnaşuçı üze belän tanıştıru çıgışı äzerlägän ide – anı jyuriga täkdim ittelär. Ayaz ictimagıy tormışta aktiw katnaşuı turında söyläde. Ayzirä çıgışın şigri häm näfis süz belän ürep alıp bardı. Rezedä KWN belän kızıksına, şuña çıgışı da yumorga bay buldı. Zärinä uzgan elgı «Sämrux» premiyasendä «El äydamanı» bulgan ide, bıel «El ölkän äydamanı»n alırga kilgän. Karina gitarada uynap cır başkardı. Ä Ildus fälsäfi çıgış äzerlägän ide – ul fälsäfäneñ nigezendä, älbättä inde, Sälätkä mäxäbbät yata.
Ikençe konkurs – pedagogik situatsiya. Katnaşuçılarga törle pedagogik situatsiyalär birelde, alar şunı xäl itärgä tieş ide. Mäsälän, mondıy situatsiya: Äydamannar, sessiya bulu säbäple, alanga bara almıy, ä alan başlanırga sanaulı gına wakıt kalıp bara. 3 äydaman abıy citmi. Bu oçrakta nişlärgä? Ä närsä eşlärgä yaramıy?
Jyuri ägzaları da katnaşuçılarga soraular birde. Märtäbäle jyuri ägzaları arasında Sälätneñ Popeçitellär sowetı ägzası Cälil Söläymanow; cawaplılıgı çiklängän «Serwis stil» oeşması general direktorı, Sälät proektları parnetı, Sälät aktiwistı Leniza Rizwanowa; «Tatenergo»nıñ sotsial üseş xezmäte citäkçese, «Tatarstan Respublikası predpriyatie häm oeşmaları yaşläre berläşmäse» töbäk ictimagıy oeşması sowetı räise Aydar Sagetdinow; «Sälät» yaşlär üzäge direktorı, Sälät Klubınıñ IX prezidentı Aygöl Gabdraxmanowa häm başkalar bar ide.
El ölkän äydamanınıñ isemen fewral aenda – «Sämrux-2019» el premiyaseneñ büläkläü tantanasında beläçäkbez.