«Sälät-Saba»nıñ sälätle balaları ← kire kaytirga

26-nçı iyun – 16-nçı iyul aralıgında, Baylar Sabası munitsipal rayonında urnaşkan «Koyaşkay» sälamätländerü lagere bazasında «Sälät-Saba 2017» profille smenası ütä. Älege alan üz koçagına Sabanıñ 70 sälätle balasın, distäläp äydaman häm ukıtuçılarnı cıydı.

Sälät alannarına xas bulgança, biredä dä törle yunäleştäge däreslär, tanılgan şäxeslär belän oçraşular, ostaxanälär ütkärelä. Töşke aşka kadär sälkeşlär psixologiya, persid tele, jurnalistika, KWN häm oratorlık ostalıgı däreslärenä yörilär. Könneñ ikençe yartısında oçraşular başlana. Mäsälän, «Idel» yaşlär jurnalınıñ baş möxärrir urınbasarı Gölüsä Zakirowa bügenge yaş buınnıñ şigriyat häm prozaga bulgan mäxäbbäte xakında söyläde. «TNW» telekanalı alıp baruçısı Ayzilä Batrxanowa şäxsi uñış formulası belän büleşte. KWNçı, Sälät aktiwistı Arman Kostonyan oratorlık ostalıgı, publika aldında çıgış yasau serlären çişte.

Alannıñ bar territoriyasennän şatlık nurları börkelep tora: şat bala awazları yañgırıy, sörännär işetelä, biyulär kabatlana. Smena sälkeşlärgä, çınnan da, bik oşıy. Bu xakta jurnalistika däresenä yörüçe balalar da bik tämläp söylädelär.

Äxätowa Göldaniya, 13 yaş:

- «Sälät-Saba» alanına barırga bik küptännän xıyallanıp yördem. Tik törle säbäplär arkılı äti-äniem lagerlärgä cibärmi tordı. Bu cäyne isä xıyalım tormışka aştı: min biredä. Başta kurkıp kaldım, çönki biredäge balalar barısı da şundıy sälätle. Xäzer inde iyaläşep, duslaşıp bettem. Kiçke çaralar, kwestlar bik kızıklı uza. Äydamannarıbızga räxmät!

Wasilewa Adelina, 16 yaş:

- Min Şämärdännän kildem, Sälättä inde 3-nçe tapkır.  Däreslär bik oşıy, ä däreslärdän tış uzuçı çaralar, uennar tagı da kübräk şäbräk. Miña kalsa, «Sälät-Saba» üzeñne ezläü häm tabu, säläteñne açu urını.

Bilalow Irek, 16 yaş:

- Berençe tapkır min Sälät turında  telewizion tapşırudan işettem. Biredäge balalarnı kürep älege alan belän bik kızıksındım. Üzemä dä 2015-nçe elda Sälätkä baru bäxete elmaydı. Ul wakıtta bez Bilärdäge Sälät forumında gına katnaşsak, bıel inde min smenada yal itäm. Sport belän mawıgam, forumda da sport uennarında alanımnıñ danın yaklıyaçakmın.

Safina Sömbelä, 15 yaş:

- Sälät turında küptännän xıyallana idem, yaşem tulmau säbäple saylap alu turın uza almadım. Biredä üzemne bar yaklap kürsätergä tırışam, kiçke çaralarda katnaşam. Iñ oşagan kiçke çara «Minuta slawı» buldı. Säxnädän küzemne almıy duslarımnıñ çıgışların karap utırdım. Barlık eget-kızlar da bik sälätle ikän.

Dinislam Gatiyatullin, 13 yaş:

- Sälät başka lagerlärdän äydamannarı belän aerılıp tora. Çaralar da barısı da bik kızıklı, mawıktırgıç. Här könne diskätükne  zarıgıp kötep alabız, räxätlänep biibez. Ozın süzneñ kıskası, «Sälät-Saba» – şäp!