Tugan köneñ belän, «Sälät-Aksubay»! ← kire kaytirga

Sälätle balalar häm yaşlär belän eşläüçe «Sälät» berläşmäse tarafınnan Sälät Yortında häm Tatarstan Respublikasınıñ törle mäktäp bazalarında oeşkan Sälät klublarında el däwamında  aktiw eş alıp barıla. Uzgan atnada isä «Sälät-Aksubay» klubı üzeneñ keçkenä genä bäyräme – 1 yaşlek tugan könen bilgeläp uzdı. Klub 1 el elek kenä oeşsa da, anıñ inde üz yöze bar. «Sälät»kä tartılgan yaşlär aktiw eşçänlek alıp baralar.

Räsmi räweştä klubnıñ tugan köne 23-nçe oktyabr könne bulsa, bäyrämne alar 28-e könne uzdırdılar. Çarada bik küp  möxtäräm kunaklar katnaşkanı bilgele buldı. Alar arasında «Sälät» proektları citäkçese Ädip Älmir, Tübän Kama şähäreneñ Bakıy Urmançe isemendäge 2-nçe gimnaziya direktorı Aygöl Gayazowa, Aksubay rayonı  administratsiyase wäkilläre, Aksubay  rayonınıñ  «Ak kalfak» oeşması citäkçese Älfiya Nurxämätowa h.b.

Oçraşu başında uk kunaklar Xäsän Tufan muzeena säyaxät kıldılar, şunnan soñ bäyräm mäktäpneñ aktlar zalında däwam itte. Mäktäpkä kilep kerügä ük kunaklarnı Sälät Forumınıñ därtle biyue belän karşı aldılar. Soñınnan kunaklar bäyräm tamaşasın karadılar. Klub tarafınnan ellık plan täkdim itelde. Bäyräm törle ostaxanälär, Ädip Älmir belän tügäräk östäl formatında oçraşu belän däwam itte. Sälät proektlarında aktiw katnaşuçı Alsu Gataullinanıñ häm Timerxannıñ ostaxanälären ukuçılar  ber sulışta tıñladılar. Temaları da bik üzençälekle ide.

Şunı da äytep ütärgä kiräkter, «Sälät-Aksubay» klubınıñ komandası bik köçle bit. Klub räise Läylä Moratşina bıel «Lider goda» proektında katnaşıp Sälät danın yakladı.

«Lider goda bäygese miña alga taba da üsärgä, yaña belemnärgä omtılırga etärgeç birde» – dip fikere belän urtaklaştı Läylä.

Klubka yörüçelär Gıylmi Yarışlar Çempionatında katnaşalar, tizdän «Fänsar» üzägendä uzaçak «Änwär Xäyri ukuları» isemle fänni konferentsiyadä katnaşu öçen gariza tutırgannar. Klubnıñ yul kartasında şaxmat uennarı turnirı, ädäbi kiçälär, Yaña el maskaradı, tennis turnirı, Sälät dönyası belän tanışuga karagan çaralar da bik küp.  

Alsu Gataullina, Sälät proektlarında aktiw katnaşuçı: 

- Klubka öyrüçelär bik aktiw, ideyaläre taşıp tora. Iñ möhime – alarnıñ küzläre yana, eşlibez dip toralar.  Telägem şul: här minutıgıznı faydalı ütkäregez, uñışlarga ireşegez. 

Aydar Yakupow – klubnıñ kuratorı: 

- Bu çara şundıy küñelle uzdı. Min bügenge köngä kadär şul bäyräm täesire belän yaşim. Alga taba da uzdırılaçak çaralarga räxätlänep  kiläçäkmen.

Bäyräm bik küñelle uzdı. Äti-änilärdän Sälätkä räxmät süzläre, kunaklardan izge teläklär yañgıradı.