«Sämrux-2017» premiyaseneñ härberse – kabatlanmas bäyräm!
Bu elnı premiyane tapşıru tantanasın bez küñelgä ütä torgan «We are the Champions» cırınıñ awtor wersiyase belän başladık. Älbättä, tatar telenedä! Royal artında – Elmir Nizamow, udar, strun häm duxowoy korallarnı üz östenä «Saxar» törkeme aldı. Cırnı Sälät dusları häm weterannarı Zarinä Wildanowa, Robert Mortazin, Läysän Arsentewa häm Wyaçeslaw Dagaew başkardılar.

«Sämrux-2017» tantanası G. Tukay isemendäge Tatar Däülät Filarmoniyasendä uzdırıldı. Zur säxnäne, şulay uk, Sälät oeşmasınıñ iñ bäläkäy wäkilläre yauladı. Sälkipüşlärgä yardäm bulıp, säxnägä alarnıñ äti-äniläre, Sälät weterannarı da çıktı.

Älege kiçne Nürbäk Batulla çın teatral perfomans oeştırdı. Nomernı muzıka yagınnan Islam Waleew baettı.

Çara, çınlıkta da, äkiyati ide. Säxnädäge wakıygalarga, kaywakıt, ışanıp bulmıy ide.

Premiyadä bez iñ möhimen eşlädek: 2017-nçe alga näticälär yasadık, , yaña kazanışlarga yunäleş tottık. Bezneñ öçen kiläse masştablı çara – Sälät Forumı. Uzgan forum cırı belän ilhamlanırga bezgä Sälät weteranı, awtor-başkaruçı, bezneñ yakın dustıbız Ilnaz Safiullin bulıştı.

Älege kabatlanmas mizgellär belän kabattan läzzätlänik!