Akkauntnı alga cibärim disäñ... ← kire kaytirga

IT BILER FORUM-ında ostaxanälär däwam itä. Bügenge spikerıbız – Alisa Lisowaya. Anı küplär Instagram sotsial çeltärennän kürep belä, çönki ul – populyar bloger. Östäwenä, kunagıbız - «Bez wodı» kontent-agentlıgı oeştıruçısı da.

Alisa Lisowaya üzeneñ «SMM bez wodı» dip atalgan master-klassında sälkeşlärgä sotsial çeltärlärdä üz akkauntların, saytların alga cibärü öçen berniçä kiñäşen birde:

- Iñ berençe çiratta, akkauntnı alga cibärü öçen, yaxşı kamera buldıru kiräk. Annarı sine äyländerep algan härber predmetnı da fotoga yaisä wideoga töşerep yörü mäcbüri tügel, sin keşegä kürsätäse storis (äytik, Instagram sotsial çeltärendä) sineñ duslarıña, sineñ akkauntıñnı karauçılarga kızıklı bulırga tieş.

- Üz temañnı, üz ölkäñne tap! Mäsälän, min üzem tormışta bulgan xällär, üzem belän bäyle xatirälär turında yazarga yaratam. Istä tot: tema kızıklı häm yaña bulırga tieş.

- Auditoriyañne toemla! Yagni sineñ säxifäñne karap baruçılarnıñ yaşen häm kızıksınuların küzdä totıp eş it. Ägär sin yaş auditoriya belän eş itsäñ – kıska itep yaz, ägär inde ölkän yaştägelär ikän – ozın postlar kertergä tırış.

- Indiwidual bul! Berkayçan da tuktalıp kalma. Barlık ölkädä dä üzeñne sınap kara: wideo töşer, post kert, fotolarnı eşkärt. Läkin alar başka blogerlar yaisä başka keşe akkauntlarınnan indiwiduallege belän aerılıp torırga tieş.