Başkortostanda Tatar respublikaküläm festiwale ütäçäk ← kire kaytirga

Irtägä, yag-ni 19-nçı may könne, Başkort däülät uniwersitetınıñ aktlar zalında Sälät balaları häm yaş-läreneñ Tatar respublikaküläm festiwale ütäçäk.

Bu könneñ töp kunakları bulıp törle bäyge, intellektual- yarışlar ciñüçeläre, festiwal-lär laureatları, kreatiw proekt awtorları, Başkortostannıñ balalar häm yaşüsmerlär icatı üzäkläreneñ wäkilläre tora. 

Sälätle balalar häm yaş-lärne ezläü, üzençälekle ısullar belän üsterü ideyasen galim, TR Fännär akademiyase akademigı, tanılgan şagıyr-, cämägat- eşleklese Cäüdät Söläymanow täk-dim itkän. Bügenge köndä yaş-lär belän eşläü Räsäydä genä tügel, çit illärdä dä zur xäräkätkä äwerelde.

Küpmeder wakıttan soñ bu initsiatiwanı Başkortostanda da kabul ittelär. Inde dürtençe el rättän «Ramazan» Törki milli-agartu üzäge matur tabigat-le Kandrakül küle yarında Respublikaküläm «Sälät-Kandrakül» tatar balalar lagere oeştıra. Lager- belän Fänirä Galimowa belän Marat Şäripow citäkçelek itä.  Smenanıñ maksatı – sälätle balalar häm yaş-lärne törkilärneñ rux häm akıl mirası, tarixı, goref-gadätläre belän tanıştıru, babalarıbız mirasına sakçıl mönäsäbät tärbiyaläü. Biredäge balalar belän eşläü öçen maxsus programma buença äydamannar äzerlilär: alar Tatarstan häm Başkortostan Respublikaları yugarı uku yortlarınıñ studentları.

Ufada «Sälät-Ufa» klubın oeştıru buença aktiw eş alıp barıla. Bu xakta bıltır BaşDUnıñ tatar filologiyase kafedrası bazasında buldırılgan «Sälät» şig-ri yaş-lär teatrı wäkilläre xäbär itä.

Festiwal-gä sälkeş-äydamannar, Sälät xäräkäte aktiwistları, Kazannan Sälät liderları, respublika rayon häm şähärläreneñ balalar kollektiwları da kiläçäk. Katnaşuçılarnıñ ig-tibarın Sälät tarixın söyläüçe kürgäzmä cälep itär dip ömetlänäbez. Şulay uk küpsanlı Sälät proektları citäkçeläre belän oçraşular da uzdırılaçak. Kızıksıngannar üzläre telägän alannar, proekt häm başka çaralarga gariza kaldıra alaçaklar.