Bilärdä Sälät aktiwistları mäktäbe ütäçäk ← kire kaytirga

29-nçı sentyabr – 1-nçe oktyabr aralıgında, Bilärdäge «Fänsar» fän häm mägarif üzägendä Sälät aktiwistları mäktäbe uzaçak.

Cäyge proektlar axırına yakınlaştı: alannar, forum, festiwallär. Tik alardan başka da Sälät berläşmäsendä çaralar baytak. Alar el äylänäse Sälät yortında, «Fänsar» fän häm mägarif üzägendä häm başka mäydançıklarda uza. Älege çaralarda sin dä üzeñne kürsätä alasıñ!

Sälät aktiwistları mäktäbe kısalarında sin çaralar ütkärü ölkäsendä täcribä tuplıy alaçaksıñ. Röstäm Bikmullin isemendäge Respublikaküläm «BikaFest» yaşlär cır-şigriyat festiwale; el saen uzdırıluçı Respublikaküläm «Sämrux» sälätle balalar häm talantlı yaşlär premiyase; Mirza Ismail ulı Mäxmütow isemendäge «Fänsar» mäktäbe; Sälät media-mäktäben ütkärü häm oeştıru turında bez sezgä biredä söylärbez!

Ägär dä sin urta hönäri yaki yugarı belem birüçe uku yortında ukıysıñ, Sälät aktiwistı häm üseşeñne bezneñ berläşmä belän bäylärgä uylıysıñ ikän – sine kötep kalabız! Mäktäptä proekt citäkçeläre bezneñ belän bergä açılaçak mömkinleklär turında citkerer!

Sälät klubı prezidentı Igor Smirnow:

-         Studentlık çorı – ike, kaywakıt öç kuyan koyrıgın totu öçen äybät wakıt. Äybät uku belän berrättän aktiw bulırga da kiräk. Tormışta aktiw bulu siña kiräkle tanışlıklar, üzeñne kürsätü mömkinlegen birä. Sälät aktiwistları mäktäbe – üzeñä kızıklı bulgan yunäleşne saylau, şäxes bularak üsü mäydançıgı. Barlık teläk belderüçelärne kötep kalabız! Sine – berençe çiratta! Äye-äye, näk menä sine!

Katnaşu öçen gariza kaldır!