Kazanda «Sämrux 2016» el premiyaseneñ büläkläü tantanası uzaçak ← kire kaytirga
16-nçı fewral könne, 18:00, «Ak Bars» yaşlär üzägendä (Kazan şähäre, Dekabristlar ur., 1) Respublikaküläm sälätle balalar häm yaşlärgä yardäm itüçe «Sämrux 2016» el premiyaseneñ büläkläü tantanası uzaçak. Sälätneñ 2016-nçı eldagı eşçänlegenä yomgak yasalaçak, berläşmäneñ zur uñışlarga ireşkän aktiwistları iglan iteläçäk, iñ şäp proektlar bilgelänäçäk, Sälät üseşenä alıştırgısız öleşen kertkän partnerlar häm ukıtuçılarga räxmät süzläre citkereläçäk.
Premiya Tatarstan Respublikasınıñ «Sälät» yaşlär ictimagıy fondı häm Tatarstan Respublikasınıñ yaşlär eşläre häm sport ministrlıgı belän berlektä ütkärelä. 2016-nçı elda Sälät proektlarında 12 meñnän artık keşe katnaşkan, alarnıñ iñ-iñnäre «Sämrux 2016» el premiyasendä katnaşa.
Bıel Premiya 8 nominatsiya buença tapşırıla:
- «El sälkeşe»
- «El äydamanı»
- «El ölkän äydamanı»
- «El direktorı»
- «El alanı»
- «El klubı»
- «El pabligı»
- «Sälät cırlıy»
Ciñüçelär isemnären möxtäräm kunaklar yañgıratıp, Sämrux sının tapşıraçaklar:
- Tatarstan Respublikası Prezidentı yardämçese Läylä Rinat kızı Fazlıewa;
- Tatarstan Respublikasınıñ fän häm mägarif ministrı urınbasarı Ildar Rinat ulı Möxämmätow;
- Tatarstan Respublikasınıñ tözeleş, arxitektura häm torak-xucalık ministrı urınbasarı Ayrat Rinat ulı Gatiyatow;
- Tatarstan Respublikasınıñ mädäniyat ministrı urınbasarı Güzäl Azat kızı Şäripowa;
- Bötendönya tatar kongressı başkarma komitetı räiseneñ berençe urınbasarı Danis Fänis ulı Şakirow;
- Tatarstan Respublikası ekologiya ministrlıgınıñ Mäglümati-analitik eşçänlege idaräse citäkçese Inessa Wiktorowna Yarullina;
- Tatarstan Respublikası Ministrlar Kabinetı Apparatınıñ Sälamätlek saklau, sport häm sälamät yaşäü räweşen formalaştıru mäsäläläre idaräse citäkçese Güzäl Räis kızı Şakirowa;
Şulay uk:
- Räsäy Federatsiyase Däülät Duması deputatı Marat Mansur ulı Bariew;
- Tatarstan Respublikası Däülät Sowetı räise urınbasarı, Tatarstan Respublikası Däülät Sowetınıñ bişençe çakırılış deputatı, Tatarstan Respublikası Jurnalistlar berlege räise Rimma Atlas kızı Ratnikowa;
- Tatarstan Respublikası Däülät Sowetınıñ bişençe çakırılış deputatı, Tatarstan Respublikası Däülät Sowetınıñ iktisad, inwestitsiyalär häm eşmäkärlek komitetı räise Räfis Timerxan ulı Borhanownıñ kilüen dä kötäbez!
Tantananı Sälät weterannarı Tatarstan Respublikasınıñ atkazangan sängat eşleklese, «Tatar radiosı» alıp baruçısı Gölnaz Säfärowa häm cırçı Fänil Wakkazow alıp baraçak.
Maxsus kunaklar – cırçı, «Altın Bars» premiyase laureatı Alinä Şäripcanowa, «Golos. Deti» proektı ciñüçese Säydä Möxämätcanowa.