«Fänsar»da Alekseewsk rayonı balaları öçen ikençe smena start ala ← kire kaytirga

Bügen, Bilärdä, «Fänsar» fänni-belem birü üzägendä Tatarstannıñ Alekseewsk rayonı balaları öçen ikençe profil smena üz eşçänlegen başlap cibärä. 

16-nçı gıynwar könne rus tele buença belem ala torgan altı könlek profil smena tämamlandı. Biredä 80 ukuçı katnaştı. 

Iñ berençe çiratta, smena kısalarında tanışuga häm törkemneñ yaxşı aralaşuına bagışlangan törle treninglar uzdırılgan ide. Gomumän alganda, smena belem birü häm küñel açu çaralarına bay buldı. Könneñ berençe yartısında balalar täcribäle rus ukıtuçıları belän bergä rus tele dönyasına çuma ide, ä menä ikençesendä üzlären törle intellektual uennarda, kwestlarda, därtle biyulärdä sınap karıy aldılar. 

Şunısı kuanıçlı, balalarga älege smena şunıñ kadär nık oşaganga, alar inde ikençe smenaga çumarga äzer bulıp toralar. Ä menä inde kiläse smenada katnaşuçılar fän patşabikäse – matematika belän yakınnan tanışaçaklar. Däreslärdä belemne Alekseewsk rayonınıñ Kazan (Idel bue) federal uniwersitetınıñ ukıtuçıları biräçäk. 

«Äti-änilär, balalar, barlık eşçelär dä berençe smenadan bik kanägat kaldılar. «53 balanıñ kabattan smenaga barası kilä. Ikençe smenaga artık biletlar yuk mikän?» digän soraudan telefon tınmadı», dip, urtaklaştı Tatarstan Respublikası Alekseewsk munitsipal rayonınıñ tärbiya eşläre buença mägarif bülege citäkçeseneñ urınbasarı Lyudmila Nikolaewna Kiryuxina. 

«Fänsar» fänni-belem birü üzäge belem birü häm yal itü öçen barlık kiräkle äyberlär belän cihazlandırılgan. Şunısın dä äytergä kiräk, älege üzäk Tatarstannıñ iskitkeç matur Bilär muzey-tıyulıgında urnaşkan. 

«Fänsar» – yaşlärneñ ezläü sisteması aşa intellektual häm ruxi potentsialnı formalaştıruçı, sälätle häm ziräk balalarnı saylap aluçı, üsterüçe kiñlek. 
Alekseewsk rayonı balalarına yaña belemnär aluda barı tik uñışlar gına telibez!