«Фәнсар»да Алексеевск районы балалары өчен икенче смена старт ала ← кире кайтырга

Бүген, Биләрдә, «Фәнсар» фәнни-белем бирү үзәгендә Татарстанның Алексеевск районы балалары өчен икенче профиль смена үз эшчәнлеген башлап җибәрә. 

16-нчы гыйнвар көнне рус теле буенча белем ала торган алты көнлек профиль смена тәмамланды. Биредә 80 укучы катнашты. 

Иң беренче чиратта, смена кысаларында танышуга һәм төркемнең яхшы аралашуына багышланган төрле тренинглар уздырылган иде. Гомумән алганда, смена белем бирү һәм күңел ачу чараларына бай булды. Көннең беренче яртысында балалар тәҗрибәле рус укытучылары белән бергә рус теле дөньясына чума иде, ә менә икенчесендә үзләрен төрле интеллектуаль уеннарда, квестларда, дәртле биюләрдә сынап карый алдылар. 

Шунысы куанычлы, балаларга әлеге смена шуның кадәр нык ошаганга, алар инде икенче сменага чумарга әзер булып торалар. Ә менә инде киләсе сменада катнашучылар фән патшабикәсе – математика белән якыннан танышачаклар. Дәресләрдә белемне Алексеевск районының Казан (Идел буе) федераль университетының укытучылары бирәчәк. 

«Әти-әниләр, балалар, барлык эшчеләр дә беренче сменадан бик канәгать калдылар. «53 баланың кабаттан сменага барасы килә. Икенче сменага артык билетлар юк микән?» дигән сораудан телефон тынмады», дип, уртаклашты Татарстан Республикасы Алексеевск муниципаль районының тәрбия эшләре буенча мәгариф бүлеге җитәкчесенең урынбасары Людмила Николаевна Кирюхина. 

«Фәнсар» фәнни-белем бирү үзәге белем бирү һәм ял итү өчен барлык кирәкле әйберләр белән җиһазландырылган. Шунысын дә әйтергә кирәк, әлеге үзәк Татарстанның искиткеч матур Биләр музей-тыюлыгында урнашкан. 

«Фәнсар» – яшьләрнең эзләү системасы аша интеллектуаль һәм рухи потенциалны формалаштыручы, сәләтле һәм зирәк балаларны сайлап алучы, үстерүче киңлек. 
Алексеевск районы балаларына яңа белемнәр алуда бары тик уңышлар гына телибез!