«Kiläçäktä «Sälät-Olimp» smenaların arttırırga telibez» ← kire kaytirga

23-31-nçe mart könnärendä Alabuga şähärendäge «Kosmos» bazasında «Sälät-Olimp»nıñ ike profille smenası uzdı. Anda böten Tatarstan buença 2-11-nçe sıynıfta belem aluçı 90nan kübräk ukuçı cıeldı!

«Sälät-Olimp» katnaşuçılar öçen belem alu moxite genä tudırıp kalmıy, küñel açu programması da täkdim itä. Bu smenalar wakıtında, mäsälän, basseyn häm sauna, atlarda yörü, fotosäyaxät, woleybol häm basketbol yarışları, törle küñel açu çaraları (kino karau, KWIZ, KWN) oeştırılgan ide.

Smenanıñ niçek ütüe turında «Sälät-Olimp»nıñ citäkçese Nadir Kuramşin belän söyläştek. «Şunısı söenderä: bu smenalarda matematika buença törle olimpiadalarnıñ ciñüçeläre katnaştı. Här smena saen bez yugarı ballı balalar sanın arttırabız, alarnıñ ber öleşen Sälät Yortında da äzerlibez. Kiläçäktä smenalar sanın da, 2-6-nçı sıynıflarda ukuçılar öçen urınnar sanın da arttırırga niyat bar. Bälki, olimpiadaga äzerlek buença tagın berniçä fän östärbez», – dide ul.