Sälät yortında yaş köçle şaxmatçılar cıeldı ← kire kaytirga

Uzgan comga, 8-nçe sentyabr könne, Sälät yortında yaş köçle şaxmatçılar cıeldı. Tatarstan Respublikasınıñ Şaxmat Federatsiyase witse-prezidentı Närkiz Säyfetdinow «Atlant» şaxmat klubı katnaşuçıları öçen Blindfold Chess buença dönya çempionı Timur Gäräew belän oçraşu uzdırdı. Timur Gäräew – uzgan elnı Las-Wegasta uzgan yarışta beryulı 48 şaxmat taktasında bäylängän küzlär belän uynagan!

«Tanış yözlärne kürüemä bik şatmın! Şuşı iskitkeç oeşmanıñ zalında – Tatarstannıñ, böten Räsäyneñ sälätlelären tärbiyaläüçe mooxittä cıela aluıbız öçen çiksez räxmätlemen! Bügenge kunaknı zur dulkınlanu xise belän täkdim itäm: ul unikal şäxes! Häm bezneñ yaktaşıbız!» – dip sälamläde Närkiz Ämin ulı.

Çempion uzeneñ hönäri üseş yulı xakında söyläde, aktiwistlarıbıznıñ potentsialın bäyaläde häm täcribäse belän urtaklaştı.

«Iñ kızıgı – sin äle bieklekkä menep citmägän çakta anıñ. Iñ möhime – ücätlek häm köçlelelär belän köräş. 8-12 yaş aralıgımda zur täcribäle şaxmatçılarnı da uzarga tırıştım. 15 yaşemdä Aziyadäge çempionatka bargançı 2-nçe urında idem. 16 yaşemdä grossmeyster däräcäsen yauladım. Tiränten räweştä ingliz telen häm matematikanı öyränä başladım. 17 yaşemdä Amerikaga ukırga kittem. Törle uniwersitetlar öçen uynadım. Xätta Amerikanıñ iñ şäp 4 uniwersitetı arasında 1-nçe urınnı da aldım. 22 yaşemdä berençe tapkır berniçä taktada beryulı küzlär bäylängän kileş uynap karadım. Bu xalätne härkem dä tatıp kararga tieş! Şuña kürä dä min biredä», – dip belderde kunagıbız häm katnaşuçılarnı şaxmat taktaları artına utırttı.

Älege çara yaña uku elı öçen şäp start buldı. Katnaşuçılar bertawıştan şuşı faktnı citkerde.

«Çempion belän oçraşu bik küñelle uzdı. Çara şaxmat uençıları öçen genä tügel, moñarçı gomumän dä şaxmat uenı belän kızıksınmauçılarga da kızıklı buldı. Yaña ürlärgä ilhamlandık, şaxmat uynıy belmäüçelär uynarga öyränergä süz birdelär. Sezne dä üz arabızda kötep kalabız! Klubnıñ planında tanılgan şäxeslär belän oçraşular baytak äle. Tagın mini-turnirlar, däreslär häm, älbättä, Ädip Älmir kubogına zur turnir kötelä», – dip belderde «Atlant» şaxmat klubı citäkçese Göldaniya Bulatowa.

«Çara bik äybät uzdı. Faydalı ide. Räxmät!» – dip belderde «Atlant» şaxmat klubı turnirınıñ bıltırgı çempionı, Ädip Älmir kubogı iyase, sport masterı kandidatı Ädilä Zinnätullina.

«Atlant» şaxmat klubı 2002-nçe elnıñ gıynwar aenda buldırıldı. Berençe Sälät smenası da maxsus şaxmat söyuçe balalar öçen oeştırılgan ide. Ul kışkı kanikul könnärendä xäzerge Şkola olimpiyskogo rezerwa mäktäbe binasında ütte. Böek tatar şaxmatçısı R. Näcmetdinownıñ 90-ellıgına bagışlangan ide.  

Bügen «Atlant» şaxmat klubı Sälät yortı bazasında uza. Biredä yaş şaxmatçılar üz intellektları östendä eşlilär! Sin dä kuşıl!