Sälättä – ädäbi konkurs ← kire kaytirga
Sälätneñ tagın ber proektı – Flüs Latıyfi isemendäge VIII «Sälätkä nur bulgan yoldızlar» açık ädäbi konkursınıñ bıelgısı da uzıp kitte.
Ezsez uzmadı ul: üzebez öçen bik küp sälätle balanı açtık, alar törle ölkädä – şigriyat, proza, publitsistika, dramaturgiya, balalar ädäbiyatı ölkälärendä belgeçlärdän däreslär aldı, alarnıñ kiñäşlären tıñladı. 19-nçı aprel könne Sälät Yortına Tatarstannıñ törle rayon häm şähärlärennän kaläm tibrätüçe balalar häm alarnıñ citäkçeläre cıeldı. Şunısı söenderä: tatar telendä yazuçılar küp ikän. Oeştıruçılar äytüençä, bıelgı konkurska 203 gariza kilgän, alar arasında Tatarstan rayonnarınnan gına tügel, Başkortstan Respublikası häm Samara ölkäsennän dä katnaşuçılar bulgan. Jyuri ägzaları 190 eşne saylap algan.
Yarış bulgaç, ciñüçelär dä bilgelände. Läkin bu könne ciñelüçelär yuk ide. Bıel ciñmägännär kiläse elga ciñü yaular. Iñ möhime – Sälät alarga yul kürsätte!