«El äydamanı» – Aygöl Wäliullina belän äñgämä ← kire kaytirga
Sälätlelärneñ kübese öçen «Sämrux-2017» premiyasendä ciñü iñ zur kazanışlarnıñ berse. Bäxetlelär, ciñüçelär rätenä Aygöl Wäliullina da kerde. Ul – «El äydamanı» nominatsiyasendä iñ olı büläkkä iya buldı! Afärin!
Sineñ öçen Sälät ul – …
- Minem öçen Sälät ul – bez, bezneñ duslar, bezneñ ütkän, bügengese häm kiläçäk.
Sälättä närsä belän şögıllänäseñ?
- Xäzerge wakıtta min törle çaralarnı oeştıruçı. «Yaña el kiçäse», «Sälät Balı» kebek proektlarnı tormışka aşırdık. Ä menä inde aprel aenda bez «Sälätkä nur bulgan yoldızlar» bäygesen uzdırırbız.
Bezneñ oeşmadan tış, närsä belän şögıllänäseñ?
- Sälättän tış min tatar xalık cırların cırlarga, törle bäygelärdä katnaşırga, «Studentlar yazı»nda katnaşırga, ingliz telen öyränergä bik yaratam! Üz institutımda fänni eşçänlek belän şögıllänergä, törle mäkalälär bastırırga, konferentsiyalärdä katnaşırga yaratam häm tırışam. Läkin, barısı da Sälät belän parallel bara. Şuña kürä, üz tormışımnı Sälätkä häm annan tış bulganga aera almıym.
Sineñ Sälättäge töp kazanışıñ?
- Minem öçen iñ möhime ul – minem äydaman buluım! Häm, älbättä, şulay uk «Sämrux-2017» premiyasendä «El äydamanı» nominatsiyasendä ciñü yaulau.
Sineñ öçen «Sämrux» ul – ...
- «Sämrux» ul – nereal bulgan mäydançık, tik, biredä, barısı da real bulırga mömkin!
«Sämrux» premiyasendä ciñer öçen nindi 3 sıyfatka iya bulırga kiräk?
- Üz maksatıña tugrı, ixlas häm eşlägän eşeñä mäxäbbät belän karau bulırga tieş!
Ciñüne kötkän ideñme?
- «Äydamannar yarışı»nda min inde ikençe tapkır katnaştım häm yakınça nindi bäygelär, taläplär bulganın añlıy idem. Belgännärgä tayanıp, bu elnı min bäygegä bik citdi äzerländem. Elek bulgan barlık xatalarnı da isäpkä alırga onıtmadım. Häm şunı tögäl äytä alam: iñ yaxşı öçlekkä eläkkänemne sizä idem.(Elmaya) Läkin, kızganıç, urınnı berniçek tä belep bulmıy. Çönki barlık katnaşuçılar da bik köçle ide.
Sineñ nominatsiyadä ciñüne tagın kemgä birer ideñ?
- Tege elga karaganda barlık katnaşuçılar da citdieräk äzerlängän idelär. Älbättä, härberse ciñügä omtıldı. Härber konkursant aerım ölkälärdä bik köçle buldılar (iñ yaxşı şämçek, iñ şäp uen, h.b).
Üzeñ turında söyläp kit.
- Kazan şähärendä tudım, 20 yaş. Kazan Federal uniwersitetında Psixologiya häm belem institutında 3-nçe kursta belem alam. Şulay uk kübese kebek muzıka mäktäben tämamladım (fortepiano buença), soñınnan wokal buença. Eş kına törle muzıkal bäygelärdä dä katnaştım. Kul eşläre belän şögıllänergä bik yaratam!
Kiläse elda «Sämrux» ta katnaşuçılarga närsä telär ideñ?
- Katnaşırga häm kurıkmaska telim! Mömkinlek bulganda, el saen törle nominatsiyalärdä katnaşırga tırışıgız. «Sämrux» premiyasendä böteneseneñ dä ciñä aluına inandım.
«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» icat studiyase, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.