«El sälkeşe» – Timerxan Şäyxetdinow belän äñgämä ← kire kaytirga
Sälkeş – Sälät dönyasında başkarıla torgan iñ berençe wazıyfa. Älege rolne ütüne niçek başlap cibärsäñ, oeşmadagı aldagı «karera» yulıñ da şulay ütäçäk. Näk menä şuña, «Sämrux» premiyase kısalarında el saen «El sälkeşe» nominatsiyase uzdırıla da inde. Bu elnı älege nominatsiyadä ciñüçe – Timerxan Şäyxetdinow.
Sineñ öçen Sälät ul – …
- Sälät ul – yaşlär öçen faydalı ölkälärdä global eş alıp bara torgan oeşma.
Sälättä närsä belän şögıllänäseñ?
- Ike el däwamında inde «Sämrux» el premiyaseneñ ikelätä laureatı bulgan «Sälät-Yaşel Üzän» Klubı eşçänlegen citäklim. «Bezneñ fiker», «TALKış käläwä» proektlarınıñ aktiwistı bulam. Uzgan eldan «Sälät WikiMäktäbe» proektınıñ citäkçese wazıyfaların başkaram.
Bezneñ oeşmadan tış, närsä belän şögıllänäseñ?
- Şulay uk balalar ictimagıy xäräkäte häm bala xokukların yaklau belän şögıllänäm. Tatarstan Respublikası Balalar oeşmaları sowetı räise urınbasarı, Tatarstan Respublikasında Bala xokukları buença wäkalätle wäkilneñ ictimagıy yardämçese bulam. Häm Yaşel Üzän şähäre Ukuçılar sowetın citäklim. Bu eldan Bötendönya tatar yaşläre forumı çaraların oeştıruda da aktiw yardäm itäm.
Sineñ Sälättäge töp kazanışıñ?
- Şiksez, «El sälkeşe» nominatsiyasendä ciñüem
Sineñ öçen «Sämrux» ul – ...
- Sälät dönyasında uzgan eldagı eşkä näticä yasau çarası
«Sämrux» premiyasendä ciñer öçen nindi 3 sıyfatka iya bulırga kiräk?
- Keşelelekneñ töp öç sıyfatı iyase bulırga kiräk: gadel, namuslı häm igelekle
Ciñüne kötkän ideñme?
- Şulaydır, min ciñügä yunälgän idem
Üzeñ turında söyläp kit.
- Tumışım belän Kazannan bulsam da, Yaşel Üzändä yaşim. 15-nçe fewraldä 17 yaş tula. 2008-nçe elda, älbättä, Yaşel Üzän 16-nçı mäktäbeneñ 1-nçe sıynıfına kerdem. Şul wakıttan gel «5» gä ukıym. Östämä räweştä ictimagıy eşçänlek häm säxnä sängate belän kızıksınam.
Kiläse elda «Sämrux» ta katnaşuçılarga närsä telär ideñ?
- Başka katnaşuçılarnı xörmät itep, üzegezne ciñügä äzerlägez.
«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» icat studiyase, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.