IT BILER FORUM-ı açıldı ← kire kaytirga

16nçı iyul könne Sälät forumnarınıñ dürtençe smenası – IT BILER FORUM-ınıñ açılu tantanası bulıp uzdı. Tantanada «Sälät» fondınıñ başkarma direktorı Timur Söläymanow, «Sälät» proektları citäkçese Cäüdät Söläymanow, şulay uk Alekseewsk rayonı başkarma komitetı citäkçese Sergey Demidow, Bilär tarixi-arxeologik häm tabigıy muzey-tıyulık direktorı Änäs Kutuew häm kebek kunaklar katnaştı.

Çara Sälät alannarınıñ ber-bersen sälamläüläre häm üzläre belän tanıştırularınnan başlanıp kitte. «Sälät» fondınıñ başkarma direktorı Timur Söläymanow katnaşuçılarga teläklären citkerergä aşıktı, 2018nçe elda Bilärgä dürtençe tapkır kaytu belän täbrik itte. «Bez 22 el elek bu cirlektä berençe orlıklarıbıznı çäçkän idek. Alardan bezneñ küz aldında agaçlar üsep çıktı. Bez – zur komanda, häm anıñ köçe belän bez barısına da ireşäçäkbez. Bez bäxetle!» – dide ul.

Alekseewsk rayonı başkarma komitetı citäkçese Sergey Demidow da cıelgan alannarga süzen äytmiçä kala almadı: «Bilärdä ütkärgän könnärneñ berse dä buşka uzmasın ide. Här könegez yaña belem tuplau, duslar tabu belän ürelep barsın. Monda bulgan här keşene dä Sälät gailäsenä kerüe belän kotlıym». Bu süzlärgä «Sälät» proektları citäkçese Cäüdät Söläymanow ta kuşıldı häm izge Bilär cirendä igelekle eşlär kılırga çakırdı. «Bilär tawı elek-elektän kilgän ruxnı saklıy, üzendäge energiyane bezgä dä tarata. Şuña kürä dä bez köçle häm akıllı», – dip belderde ul.

Alga taba sälkeşlär küñelle häm kızıktırgıç uennarda katnaşu mömkinlegenä iya buldılar. Çara törle muzıkal küñel açu bäygeläre belän genä tügel, ä cır-biyu belän dä ürelep bardı. Açılu tantanası canlı diskätük belän tämamlandı.