Joao Paulo Rebelu: «Kazannı kamilläştergän kebek, dönyanı da maturlagız!» ← kire kaytirga

Portugaliya Respublikasınıñ yaşlär eşläre häm sport buença Däülät sekretare Joao Paulo Rebelu üzeneñ yardämçese Diogo Nabayş belän berlektä, Tatarstan başkalasında uzuçı Konfederatsiyalär kubogınıñ yarımfinal matçına kunakka kilde. Bu uenda Portugaliya Çili belän köç sınaştı. Respublikabız, biredäge yaşlär xäräkäte belän yakınnan tanışu öçen, çit il kunakları Sälät yortında da buldılar.

Kunaklarnı Tatarstan Respublikasınıñ yaşlär eşläre häm sport ministrı urınbasarı Röstäm Garifullin ozatıp yörde. «Sälät» Fondınıñ başkarma direktorı Timur Söläymanow Sälät yortı buença ekskursiya uzdırdı, berläşmäbez eşçänlege belän tanıştırdı. Sälät yortında smenalarga äzerlänep utıruçı başcitäk häm äydamannar Sälät moxiten tulısınça toemlarga yardäm ittelär.

Kunaklar eşçänlegebez nizamätläre, zur proektlarıbız belän kızıksındı. Sälät aktiwistlarınıñ tugan telebezdä aralaşuın işetep tañ kaldılar.

«Bu säyaxät sezneñ şähär belän tanışu gına tügel, ä yaşlär säyasäte xakında fiker alışu mömkinlege dä ide. Sezneñ eş alımnarı igtibarga laek, küñeldä bik äybät täesir kaldırdı. Sälätlelär belän eşläwegezne däwam itegez! Kazannı kamilläştergän kebek, dönyanı da maturlagız!» - dip teläklären citkerde Joao Paulo Rebelu.