«BikaFest»ta muzıka yunäleşe buença bäya birüçelär ← kire kaytirga
«BikaFest» festiwaleneñ kilep katnaşu etabına sanaulı könnär genä kalıp bara. Ä bez sezne muzıka yunäleşe buença bäya biräçäk jyuri belän tanıştıra torabız.
Läysän Arsentewa – cırçı, kompozitor, R.Bikmullin festiwale ciñüçese, dotsent;
Elza Islamowa – N.G. Cihanow isemendäge Kazan däülät konserwatoriyaseneñ wokal sängat kafedrası çıgarılışı, M.I. Glinka isemendäge XXVI xalıkara konkursta II däräcä laureat, küp kenä xalıkara konkurslar laureatı;
Aygöl Xäyri – Tatarstannıñ atkazangan artistı, Räsäyküläm häm xalıkara konkurslar laureatı;
Zärinä Wildanowa – cırçı, «Üzgäreş cile» häm «Ballet beyond borders» xalıkara festiwalläre laureatı, «Jager music awards» muzıkal premiyase finalistı, «CheekLaWeek» proektı citäkçese;
Zöhrä Şärifullina – Tatarstannıñ xalık artistı;
Röstäm Särwärow – kompozitor, awtor-başkaruçı, prodyuser;
Ilyas Gafarow – muzıkant, Yummy music leyblı general prodyuserı.
Saylap alu etabı Sälät Yortında 7-nçe dekabrdä uzaçak. Ä «BikaFest»nıñ Gala-kontsertı 8-nçe dekabrdä 17:00-dä bula.