Arts Biler Forum-ga garizalar kabul itä başlıybız! ← kire kaytirga
29-nçı apreldä Arts Biler Forum-ga – Sälät Forumınıñ iñ icadi smenasına garizalar kabul itü kampaniyase başlanıp kitte.
Arts Biler Forum berençe tapkır 2018-nçe elda oeştırıldı häm, Tatarstan Respublikası Prezidentı Röstäm Nurgali ulı Miñnexanow yardäme belän, traditsion räweştä Bilär däülät tarixi-arxeologik muzey-tıyulıgı territoriyasendä IX Xalıkara «Sälät» yaşlär belem birü forumınıñ ikençe smenası bularak ütkärelä.
Forum katnaşuçılarga icat laboratoriyaläre kısalarında unikal belem häm ekspertlardan kiñäşlär alu, üzlären belem birü häm mädäni programmada kürsätü, başka katnaşuçılar häm ekspertlar belän professional mädäni elemtälär buldıru, törle yunäleşlär häm janr üzençälekläre belän, şulay uk saylap alıngan yunäleş kısalarında yaña tendentsiyalär belän tanışu, kiläçäk üseşkä etärgeç alu öçen mömkinleklär moxite buldıru maksatınnan oeştırıla.
Forumnıñ uku-ukıtu programması kısalarında här yunäleş öçen («biyu yunäleşe», «muzıka yunäleşe», «teatr yunäleşe») icadi laboratoriyalär eşläyaçäk. Här yunäleşneñ üz ekspertları bar, şulay itep, här yunäleş kısalarında berniçä laboratoriya eşläyaçäk. Icadi laboratoriyalärdä katnaşuçılar konkurs programması näticäläre buença ekspertlar tarafınnan saylanıp alınaçak. Katnaşuçılar arasında indiwidual başkaruçılar, kollektiwlar häm kollektiwlardan saylanıp alıngan berniçä katnaşuçı bula ala (bu ekspertlar törkeme karamagında). Här laboratoriya üzeneñ icadi eşen Forumnıñ gala-kontsertında kürsätäçäk.
Forum 3 etapta ütkärelä:
1 etap – «Katnaşuçılardan garizalar kabul itü»: 2020-nçe elnıñ 29-nçı aprelennän 24-nçe maena kadär. Garizalar selet.biz saytında kabul itelä. Forumda aerım başkaruçılar häm kollektiwlar katnaşa ala. Katnaşuçılarnıñ yaşe – 12 yaştän alıp 22 yaşkä kadär.
2 etap – «Çittän torıp saylap alu etabı»: 2020-nçe elnıñ 1-nçe iyunennän 6-nçı iyunenä kadär. Katnaşuçılarnı saylap alu ekspert komissiyase tarafınnan Forumga tapşırılgan gariza, kürsätelgän kazanışlar nigezendä ütkärelä.
3 etap – «Töp etap. Forumda katnaşu»: 2020-nçe elnıñ 27-nçe iyunennän 2-nçe iyulenä kadär. Forumnıñ ostaxanälär, treninglar, icadi oçraşular, tügäräk öställär, ekspertlar komissiyase täkdime belän rejisser törkeme saylap algan nomerlardan torgan gala-kontsert çaraların üz eçenä algan belem birü, mädäni programmasında katnaşu.
Epidemiologik wäzgıyatkä bäyle räweştä Forumnı ütkärü etapları üzgärä häm Forumnıñ ütkärelü wakıtı kiçekterelä ala. Monıñ turında katnaşuçılarga aldan xäbär iteläçäk. Şulay uk üzgäreşlär belän selet.biz saytında möstäkıyl räweştä tanışıp bulaçak.
Forumnıñ ekspert komissiyase Forumda katnaşuçılar arasınnan laureatlarnı bilgeli. Barlık katnaşuçılar da Xalıkara «Sälät» yaşlär belem birü forumı katnaşuçısı diplomnarı belän büläklänä.
Forum Direktsiyaseneñ kontaktları:
tel.: +7 9276705671 (eş wakıtı: 9.00-20.00).
email: artsbilerforum@selet.biz.