Läysän Sabitowa: «"Sanak-lab" – yaña mömkinleklär dön-yası ul!» ← kire kaytirga

«Fänsar» fän häm mägarif üzägendä «Sanak-lab» uku-ukıtu laboratoriyase katnaşuçıları öçen yazgı sessiya uzdı. Biredä Sälät yortına däreslärgä yörüçe, Kazan şähäreneñ, Tatarstannıñ Yaşel Üzän, Tübän Kama, Norlat, Älmät, Bua, Ätnä, Baltaç, Çüpräle rayonnarınnan kilgän 7-11-nçe sıynıf ukuçıları katnaştı.

Sessiyadä ukuçılar üzläreneñ kursların öyränüne däwam ittelär. Yaña gına kilep kuşılgan katnaşuçılarga däreslärne saylap alu mömkinlege tudırıldı: Java yaki C++ programmalaştıru telen öyränü;  3d-model-läşterü; Unity 3d öçen C# programmasın üzläşterü. Tagın ber kızıklı yunäleş bulıp icadi biremnär çişü, kommunikatsiya ostalıgı häm çıgış yasau tordı. Däreslärne laboratoriyaneñ ukıtuçıları häm Brainstore kreatiw oeşması belgeçläre alıp bardı.

Äydamannar komandası sessiyaneñ programmasın balalarga uñaylı itep tözegän ide: anıñ nigezendä alar yal da itä aldı, yaña belemnär dä tupladı.  Intellektual--küñel açu çaraları (kwestlar, «Ugadayka» uenı), sport turnirları, ekskursiyalär dä oeştırıldı.

Çara bik küñelle, dustanä moxittä uzdı. 5 sägat-lek uku-ukıtu blogı, annarı küñel açu häm yal programması ber sulışta ütte.

Sessiya sälkeşlär dä, äydamannar da katnaşındagı zur kontsert belän tämamlandı. Älege kontsert küñelle biyulär, gitaraga kuşılıp cırlau, uen-kölke belän uralıp bardı. «Sanak-lab» uku-ukıtu laboratoriyase katnaşuçıları «Sälät-Sanak» cäyge smenasına da kilergä teläkläre barlıgın belderdelär.

Läysän Sabitowa, proekt citäkçese:

-         Koyaş, mawıktırgıç däreslär, köçle ukıtuçılar, şäp äydamannar komandası, sälätle balalar Laboratoriyabezne bäxetkä kümdelär. Sanak – IT-yunäleş, bu bezneñ tarixtagı ezebez, Sanak-lab – yaña mömkinleklär dön-yası ul. Biredä küñel şatlana.

«Sanak-lab»nıñ äydamannar häm ukıtuçılar komandası sezneñ öçen tagın da kızıklırak, tagın da faydalırak «Sälät-Sanak» cäyge smenasın äzerli. Alannı tulırak küzallau öçen 20-nçe may könne, 17:00, Sälät yortında uzaçak workşopka kilegez. Biredä bez Laboratoriyaneñ 2016/2017-nçe eldagı eşçänlegenä yomgak yasarbız, soraularıgızga cawap birerbez.

Küreşkängä kadär!