Sin dä estetik läzzät alırga omtıl! ← kire kaytirga

Flüs Latıyfi isemendäge «Sälätkä nur bulgan yoldızlar» VII açık ädäbi bäygesenä gariza birü kampaniyase üz eşçänlegen başlap cibärde.

Flüs Latıyfi isemendäge «Sälätkä nur bulgan yoldızlar» VII açık ädäbi bäygese Tatarstan Respublikası yaşlär eşläre häm sport ministrlıgı, Tatarstan Respublikası «Sälät» ictimagıy fondı, «Sälät» yaşlär üzäge tarafınnan ädäbi, säyasi-ictimagıy «Idel» yaşlär jurnalı, «Yalkın» yaşlär jurnalı, «Salawat küpere» balalar jurnalı, «Kaleb» yaña buın cıenı belän berlektä oeştırıla.

Bäyge üz aldına tübändäge maksatlarnı kuya häm tormışka aşıra:

– ädäbiyat ölkäsendä sälätle bulgan balalarnı häm yaşlärne barlau, alarga icadi yaktan üsüdä yardäm kürsätü;

– balalarda häm yaşlärdä estetik zäwık häm ädäbi mädäniyatkä mäxäbbät tärbiyaläü;

– sälätle yaş yazuçılarnıñ igtibarın xäzerge zaman tatar ädäbiyatına häm tatar xalkınıñ ruxi mirasına yunälderü;

– talantlı yazuçı häm Sälät oeşması katnaşuçılarınıñ ostazı Flüs Latıyfinıñ isemen Sälät moxitendä yañgıratu häm yaşätü;

– sälätle yaşlärne Sälät oeşmasınıñ proektalarına çakıru.

Bäyge tübändäge nominatsiyalär buença ütkärelä:

– şigriyat;

– çäçmä äsär;

– balalar ädäbiyatı;

– dramaturgiya;

– publitsistika.

Bäygedä 12 yaştän alıp 25 yaşkä kadärge sälätle mäktäp balaları häm studentlar katnaşa ala.

Konkurs tübändäge yaş kategoriyalärnä karap ütkärelä:

– 12-14 yaş;

– 15-18 yaş;

– 19-25 yaş.

«Sälätkä nur bulgan yoldızlar» bäygese berniçä etapta ütkärelä:

– 19-nçı mart – 5-nçe aprel – garizalarnı kabul itü etabı;

– 5-nçe mart – 6-nçı aprel – icadi eşlärne konkurska saylap alu etabı;

–6-nçı aprel – 13-nçe aprel – konkurska kabul itelgän eşlärne kazıylar şurası tarafınnan bäyaläü etabı;

– konkursnıñ finalı Kazanda Sälät Yortında (Ostrowskiy ur., 23-nçe yort) bulaçak. Finalnıñ ütkärelü köne aldan xäbär iteläçäk.

Bäygedä katnaşır öçen garizalar monda kabul itelä.

Bäyaläü kriteriyları Nigezlämädä täkdim itelgän.