«Cälät» forumında «Asıl gailä» cıenı bulıp uzdı kire kaytirga

«Cälät» forumında «Asıl gailä» cıenı bulıp uzdı

Kiçä «Sälät» forumında «Asıltaş» mäktäbe ukuçıları häm alarnıñ äti-äniläre, şulay uk berniçä buında Sälät belän bäylängän gailälär cıeldı. 140 bala häm alarnıñ äti-äniläre forum moxitenä çumdı, Bilär cirendä bergä wakıt uzdırdı.

Cıen «Asıl gailä» proektı kısalarında uzdı. Anıñ maksatı - Sälät gailäläreneñ üzara xezmättäşlege öçen mäydançık buldıru, «Asıltaş» mäktäbennän häm «Bäläkäç» klubınnan kilgän balalarnı forum tirälege belän tanıştıru, şulay uk katnaşuçılarnıñ törle yaklap üsüe öçen şartlar tudıru.

Açılış tantanasında Sälät proektları citäkçese Cäüdät Söläymanow häm anıñ xatını Wenera Söläymanowa möräcägate belän wideoyazma kürsätelde.

«Bez sezne izge Bilär cirendä kürergä şatbız. Bez sezne bik yaratabız häm sezneñ barıgıznıñ da duslaşuıgıznı häm bergä küñelle wakıt ütkärüegezne telibez», - dip möräcägat itte çarada katnaşuçılarga Cäüdät Söläymanow.

«Asıl gailä» cıenına üzeneñ xatını häm ike ulı belän biyuçe, xoreograf Nurbäk Batulla kilde.

«Min Cälät belän 1997 elda tanıştım, ul wakıtta ätiemne (yazuçı häm dramaturg Rabit Batulla, awtor iskärmäse) Bilärgä lektsiyalär ukırga çakırdılar. Min anıñ belän bergä kildem. Mondagı moxit häm keşelär şulkadär minem küñelemä yattılar ki, min lagerda tagın ber-ike köngä kalırga buldım xätta. Häm menä şul wakıttan 25 el ütte, ä min haman da monda, - dip söyläde Nurbäk. - Min Cälättä barlık rollärdä dä bulıp karadım: sälkeş, äydaman, başcitäk, direktor, spiker. Ul wakıtta min iñ keçkenä katnaşuçı idem, läkin barıber olılarga tartıldım, çönki bik kızık ide».

«Häm menä xäzer minem balalarım yazmışında da şuşı tarix kabatlana, dip urtaklaştı ul. Bez äle kildek kenä, ä alar inde: «Ä niçä yaştän alalar monda?» häm «Min monda kayçan kala alaçakmın?» - dip sorıylar.

«Asıl gailä» programması öç töp öleştän tora. «Icadi gailä» wakıtında gailälär balaları belän bergä räsem yasau buença ostaxanädä buldı.

Bu könne gailälär saf hawada sport çaralarında katnaşa häm «Korıltay» säxnäsendä icadi sälätlären kürsätä aldılar.

Albina Mirsaytowa Cälättä üzeneñ mäxäbbäten ezläwe turındagı kızıklı wakıyga belän urtaklaştı.

«Min Cälättä 2003 eldan birle häm menä xäzer Cälätne şulay uk yaratuçı, böten cırların häm biyulären xäterläüçe 33 yaşlek bala bularak, min monda, räxätlänep, gailämne alıp kildem, - dip söyläde Albina. - Minem irem dä Cälät proektlarında bik teläp katnaştı, bez şulay tanıştık ta inde. Ul «Cälät-Saba» alanı açılışında katnaştı, ä min tumışım belän Saba rayonınnan. Min «Cälät-Bögelmä» alanın açtım, ä ul Bögelmädän. Menä şulay yazmışlarıbız bäylände dä inde», - dip söyläde ul.

«SAF» tatar balalar radiostantsiyase proektnıñ partnerı buldı. «Asıl gailä» cıenın «Cälät» forumında el saen ütkärü planlaştırıla.