XIX «BikaFest» festiwaleneñ garizalar kabul itü kampaniyase başlandı ← kire kaytirga

Röstäm Bikmullin isemendäge XIX Respublikaküläm «BikaFest» yaşlär cır-şigriyat festiwalenä garizalar kabul itelä başladı.

Festiwalneñ maksatları:

- icatka sälätle balalarnı yaştän barlau, sälätlären, mömkinleklären açu öçen kiräkle şartlar buldıru, alar belän maksatlı räweştä häm daimi eşläü, alarnıñ problemalarına däülät organnarı häm cämägatçelek igtibarın cälep itü;

- cır häm şigriyat ölkäsendä sälätle balalar häm yaşlärne barlau, alarga yardäm itü;

-  balalarda häm yaşlärdä estetik zäwık, muzıkal kultura tärbiyaläü;

- sälätle balalar häm yaşlär – respublikanıñ intellektual-ruxi potentsialı buluın tagın da assızıklau, cämägatçelekkä citkerü;

- sälätle balalarnıñ häm yaşlärneñ dustı, fikerdäşe, yaşlär liderı, metsenat awtor-başkaruçı Röstäm Bikmullinnıñ istälegen mäñgeläşterü.

«BikaFest» ike etapta ütkärelä:

1 nçe etap – garizalar kabul itü häm katnaşuçılarnı çittän torıp portfoliolar nigezendä saylap alu (20 nçe oktyabr – 20 nçe noyabr).

2-nçe etap – katnaşuçılarnı konkurs nigezendä saylap alu.

Berençe etap näticäsendä katnaşuçılar ikençe etapka – konkurska çakırıla. Ul 2020 nçe elnıñ 4 nçe dekabrendä Sälät Yortında (Kazan şähäre, Ostrowskiy uramı, 23-nçe yort) uzaçak. Konkurs näticäsendä festiwalneñ Gala-kontsertı bulaçak. Ul 2020 nçe elnıñ 5 nçe dekabrendä bulaçak. Gala-kontsertta «BikaFest» ciñüçeläre tantanalı räweştä büläklänäçäk.

«BikaFest» festiwalendä icadi kollektiwlar häm aerım çıgış yasauçılar katnaşa. Katnaşuçılarnıñ yaşe 12-dän alıp 22-gä kadär. Alar törle wokal yunäleşendä häm näfis süz ostalıgında yarışa ala.

«BikaFest» festiwale ike yunäleş buença ütkärelä:

Muzıkal yunäleş:

1. Iñ osta awtor-başkaruçı

- 12 yaştän 15-kä kadär;

- 16-dan 22-gä kadär;

2. Iñ osta kollektiw-başkaruçı

- keçe forma (duet, trio);

- ansambl;

3. Tatar xalık cırın iñ osta başkaruçı

- 12-dän 15-kä kadär;

- 16-dan 22-gä kadär;

4. Tatar kompozitorlarınıñ akademik äsären iñ osta başkaruçı

- 12-dän 15-kä kadär;

- 16-dan 22-gä kadär;

5. Tatar cırı stilizatsiyase

- 12-dän 15-kä kadär;

- 16-dan 22-gä kadär.

Ädäbi yunäleş:

1. Üz äsären iñ osta yattan ukuçı (şigır, proza, ädäbi-muzıkal kompozitsiya)

- 12-dän 15-kä kadär;

- 16-dan 22-gä kadär;

2. Başka awtor äsären iñ osta yattan ukuçı (şigır, proza, ädäbi-muzıkal kompozitsiya)

- 12-dän 15-kä kadär;

- 16-dan 22-gä kadär.

Konkurska tatar telendä törle xarakterda bulgan ike äsär äzerläü zarur.