XIX «БикаФест» фестиваленең гаризалар кабул итү кампаниясе башланды кире кайтырга

Началась заявочная кампания XIX фестиваля «БикаФест»

Рөстәм Бикмуллин исемендәге XIX Республикакүләм «БикаФест» яшьләр җыр-шигърият фестиваленә гаризалар кабул ителә башлады.

Фестивальнең максатлары:

- иҗатка сәләтле балаларны яшьтән барлау, сәләтләрен, мөмкинлекләрен ачу өчен кирәкле шартлар булдыру, алар белән максатлы рәвештә һәм даими эшләү, аларның проблемаларына дәүләт органнары һәм җәмәгатьчелек игътибарын җәлеп итү;

- җыр һәм шигърият өлкәсендә сәләтле балалар һәм яшьләрне барлау, аларга ярдәм итү;

-  балаларда һәм яшьләрдә эстетик зәвык, музыкаль культура тәрбияләү;

- сәләтле балалар һәм яшьләр – республиканың интеллектуаль-рухи потенциалы булуын тагын да ассызыклау, җәмәгатьчелеккә җиткерү;

- сәләтле балаларның һәм яшьләрнең дусты, фикердәше, яшьләр лидеры, меценат автор-башкаручы Рөстәм Бикмуллинның истәлеген мәңгеләштерү.

«БикаФест» ике этапта үткәрелә:

1 нче этап – гаризалар кабул итү һәм катнашучыларны читтән торып портфолиолар нигезендә сайлап алу (20 нче октябрь – 20 нче ноябрь).

2-нче этап – катнашучыларны конкурс нигезендә сайлап алу.

Беренче этап нәтиҗәсендә катнашучылар икенче этапка – конкурска чакырыла. Ул 2020 нче елның 4 нче декабрендә Сәләт Йортында (Казан шәһәре, Островский урамы, 23-нче йорт) узачак. Конкурс нәтиҗәсендә фестивальнең Гала-концерты булачак. Ул 2020 нче елның 5 нче декабрендә булачак. Гала-концертта «БикаФест» җиңүчеләре тантаналы рәвештә бүләкләнәчәк.

«БикаФест» фестивалендә иҗади коллективлар һәм аерым чыгыш ясаучылар катнаша. Катнашучыларның яше 12-дән алып 22-гә кадәр. Алар төрле вокал юнәлешендә һәм нәфис сүз осталыгында ярыша ала.

«БикаФест» фестивале ике юнәлеш буенча үткәрелә:

Музыкаль юнәлеш:

1. Иң оста автор-башкаручы

- 12 яшьтән 15-кә кадәр;

- 16-дан 22-гә кадәр;

2. Иң оста коллектив-башкаручы

- кече форма (дуэт, трио);

- ансамбль;

3. Татар халык җырын иң оста башкаручы

- 12-дән 15-кә кадәр;

- 16-дан 22-гә кадәр;

4. Татар композиторларының академик әсәрен иң оста башкаручы

- 12-дән 15-кә кадәр;

- 16-дан 22-гә кадәр;

5. Татар җыры стилизациясе

- 12-дән 15-кә кадәр;

- 16-дан 22-гә кадәр.

 

Әдәби юнәлеш:

1. Үз әсәрен иң оста яттан укучы (шигырь, проза, әдәби-музыкаль композиция)

- 12-дән 15-кә кадәр;

- 16-дан 22-гә кадәр;

2. Башка автор әсәрен иң оста яттан укучы (шигырь, проза, әдәби-музыкаль композиция)

- 12-дән 15-кә кадәр;

- 16-дан 22-гә кадәр.

Конкурска татар телендә төрле характерда булган ике әсәр әзерләү зарур.

Бәйгене оештыру комитеты Сәләт Йортында (Казан, Островский ур., 23-нче йорт) урнашкан. Элемтәләр өчен телефон: 8 (843) 292-16-00. Эш сәгатьләре: 9:00-18:00.

Тулырак мәгълүмат - НИГЕЗЛӘМӘдә.