Näfis Siracetdinow Räsäyneñ iñ yaxşı studentı isemlegendä ← kire kaytirga

Sälät proektlarında aktiw katnaşuçı, KFUnıñ berençe kurs magistraturasında ukuçı Näfis Siracetdinownı Simferopoldä uzgan «Student goda-2017»  Räsäy milli premiyasendä ciñüe belän kotlıybız. Ul gran-priga iya buldı. Bu uñışı xakında üze belän söyläşep aldık.

- Näfis, nindi xis-kiçereşlär belän kayttıñ?

- Äle añlaşıp ta betä almıym, ciñüemä ışanıp betep bulmıy.

- Ciñüeñä ışanıçıñ bar ideme?

- Yuk, älbättä. Çönki barlık katnaşuçılar da bik köçle ide.  

- Bäygedä iñ awırı närsä buldı?

- Sportka kagılışlı normatiwlarnı tapşıru. (Kölä )

- Niçek uylıysıñ, närsä arkasında sin ciñüçe buldıñ?

- Awır sorau. Älbättä, min üzemneñ äti-äniemä räxmätle, alarnıñ tärbiyase minem tormışımda, üseşemdä zur rol uynıy. Duslarıma, Uniwersitetıma, TRnıñ yaşlär eşläre häm sport ministrlıgına, TRnıñ talantlı yaşlär akademiyase karşında da baş iyam . Bu ciñü – minem ciñü genä tügel, ä barıbıznıñ da ciñüe. Yaşlär belän berlektä mondıy çaralar oeştırıp, katnaşıp bez üzebezgä täcribä tuplıybız, bulgan belemnärebez belän urtaklaşabız, şunıñ näticäsendä respublikabızga, ilebezgä üz öleşebezne kertäbez.   

- Bezneñ proektlarda katnaşuıñ yardäm itmi kalmagandır?

- Sälät – Respublikabızda üz sälätemne açarga yardäm itüçe iñ berençe oeşma ide. 2012-nçe elda min berençe tapkır Sälät Forumına bardım, şunda yaşlärneñ sälätlären, üz traditsiyalären saklauların kürep soklandım. Bu Forumnı min berkayçan da onıtmam. «Sälät» berläşmäse yardämendä min berençe tapkır çit ilne kürep kayttım: «Selet Prague School» proektında katnaştım.

- Bäygedä ciñü yaulap, bernikadär akçalata büläkne närsägä totaçagıñnı uylap kuydıñmı inde?

- Yuk şul äle. Xäer, bu möhim tügel, minemçä.

- Ä närsä möhim?

- Respublikabıznıñ yözenä kızıllık kitermiçä Räsäy külämendä däräcäle urın yaulawım..

-Afärin!