Yaña mömkinleklär ← kire kaytirga

1994-nçe eldan birle Sälät berläşmäse eşçänlegendä 90 meñnän artık aktiwist, weteran häm ukıtuçılar katnaştı.

Proektlarıbıznıñ küpçelege xalıkara statusın yörtä. Misalga, el saen uzdırıluçı Xalıkara uku-ukıtu Sälät yaşlär forumı üz koçagına böten dönyadan 5 meñ sälätle balanı häm yaşlärne cıya. Islam xezmättäşlegen oeştıruçı illärneñ Kazan yaş eşmäkärlär forumında meñlägän maksatçan üz eşen başlauçılar katnaşa, maxsus startap platformada onlayn ukıtu däresläre ala.

«Efäk kanat» proektı kısalarında Sälät mäktäpläre häm smenaları çit illärdä dä ütkärelä. Bıel Kanadada berençe tapkır Xalıkara «Sälät-Monreal» uku-ukıtu häm sälamätländerü lagere uzdırılaçak. Proektnıñ töp maksatı bulıp millättäşlärebezne berläşterü, tatar telen, mädäniyaten populyarlaştıru, Sälät berläşmäse eşçänlegenä yaşlärne cälep itü tora.

Bügenge zamanda, globalläşterü çorında internet yardäme belän illär arasındagı çiklär yugala. Sälätneñ räsmi saytı berläşmäbezneñ közgese bulıp tora. selet.biz saytınıñ transliteratsiyale wersiyase bezgä ofıklarnı kiñäytergä bulışır, tatar alfawitın kullana belmäüçe fikerdäşlärebez belän tagın da yakınaytır, Sälät dönyasına kilep üseş yulın tabarga yardäm itär.

Saytıbıznıñ sıltaması belän çit illärdä yaşäüçe duslarıgız belän dä büleşegez. Bergä bulganda bez köçle!