«Sanak-lab» smenasında «Fänsarniya» kışkı uennarı ütä ← kire kaytirga

Yaña elnı niçek başlasañ, şulay däwam da itäseñ, dip söylilär. 3–8-nçe gıynwarga kadär Alekseewsk rayonı Bilär kalasınıñ «Fänsar» üzägendä, «Sanak-lab» uku-ukıtu laboratoriyase smenasında onıtılmaslık 6 kön uzdırırga täkdim itäbez.

Smena programmasında informatika fäne buença BDIga äzerlänü, törle saytlar yasau, S++ programmalaştıru nigezläre, kuşımtalar buldıru, gamäli matematika häm sistemalı administratsiyaläüne öyränü karalgan.

Däreslärne Sälät IT-üzäk häm Sanak-lab laboratoriyaseneñ belgeçläre alıp bara: sistemalı administratsiyaläü – Rinat Safin, saytlarnı tözü – Witya Ewlampew, programmalaştıru nigezläre – Azat Soltanow, wirtual häm östämä çınbarlık kuşımtaların buldıru – Rumiya Soltanowa, gamäli matematika – Röstäm Garifyanow.

Monnan tış, smenada yaña el karnawalı, «Udiwi mine!» kontsertı, gitara kiçäse häm zur intellektual turnir, şulay uk berençe tapkır «Fänsarniya» kışkı uennarı, kwestlar, taudan şuular da uzdırılaçak. «Fänsarniya» uenı kısalarında bobsley, çañgı yarışları, biatlon, bolan çabışları buença zur estafeta kötelä.

Proekt citäkçese Läysän Sabitowa:

-Min balalarnı bik nık yaratam! Alarga üsergä, yaña ürlär yaularga, bulışırga – miña bik oşıy. «Sanak-lab» – minem initsiatiwa, minem bala.
Ni öçen IT? Çönki ul – kiläçäk. Bez, balalrga üz-üzlären tabırga bulışabız. Bu şulkadärle kiñ ölkä, monda här telägän keşe üzen taba ala. Sine kötep kalabız! Garizanı cibärergä aşık!