Cäyne «Sälät-Tel» smenası belän açıp cibäräbez ← kire kaytirga

Bik tizdän Sälätle kızu cäy başlanıp kitäçäk. Traditsiya buença Sälät alannarına startnı «Sälät-Tel» smenası birä. Ul bıel 9-26-nçı iyun- aralıgında,  «Zwezdnıy» yal häm sälamätländerü bazasında ütäçäk.  

«Sälät-Tel» eşçänlegendä 220 bala katnaşaçak: alar bötenräsäy häm xalıkara bäyge-yarışlar ciñüçeläre, şulay uk portfolio buença da saylap alu turın uzgannar.

«Sälät-Tel» – çit tellärdä dä aralaşu moxite, çit tellärne tiränten öyränü mömkinlege.

Alannıñ programması tübändäge yunäleşlär buença belem birüne küzdä tota:  «Tatar tele», «Ingliz tele», «Törek tele», «Ispan tele», «Frantsuz tele», «Garäp tele», «Alman tele», «Kıtay tele».

Uku-ukıtu kurslarınnan tış çit ildä belem algan Sälät weterannarı häm aktiwistları belän oçraşular da uzdırılaçak. Alar biredä şul illärneñ mädäni üzençälekläre xakında söyliyaçäk, çit ildä belem alu serlären çişäçäk, çit ildä ukudan 100% fayda alu turında da bäyan itäçäk.

Smenanıñ maxsus kunagı bulıp «Tatar radiosı» radiostantsiyalär çeltäreneñ baş möxärrire Aywaz Sadırow tora.

Alannıñ komandası – yaş-lek, energiya, därt, täcribä häm xislär kuşılması. Anı Timur Fätxullow citäkli. «Kaderle sälkeşlärebez! Mömkin bulganda küñel açıgız, kiräk çakta citdi bula belegez. Ä iñ möhime – üzegez bulıp kalırga onıtmagız! Sezneñ härberegez – aerım dön-ya,ul barı sezgä genä xas häm şunıñ belän başkalarga kızıklı. Başka dön-yalarnı da öyränergä onıtmagız: tanışıgız, duslaşıgız, aralaşıgız! Säyaxät itegez, kitaplar ukıgız. Ber urında tuktalıp tormagız, tormış ul – üze zur xäräkät!» - dip kiñäş itä smenanıñ direktorı.

Dustım, ägär sin bügengäçä «Sälät-Tel» alanına gariza kaldırmagansıñ ikän, aşık: tizräk portfolio-selet.ru saytına ker. Sälät dön-yasına säyaxät – mäñge onıtılmaslık xis-kiçereşlär ul! Kittek!