«Sämrux» el premiyase ciñüçeläre bilgelände, saylap alu etapları tämam!

Sälätle balalarnı häm yaşlärne üsterü ölkäsendä IX respublikaküläm «Sämrux» el premiyaseneñ katnaşuçıların äñgämä nigezendä saylap alu etapları tögällände.

Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, Sälät proektları awtorlarınıñ häm oeştıruçılarnıñ eşenä bäya birü maksatında uzdırıluçı premiya üz eşen oktyabr aenda başlap cibärde. Barlıgı 100-gä yakın gariza kabul itelde!

«Sämrux» el premiyaseneñ töp üzençäläge - Fundselet proektı. Anıñ yardäme belän härkem Sälätle balalar häm yaşlär üseşenä üz öleşen kertä ala. Monıñ öçen älege mäydançıkka kerep telägän summanı küçerergä kiräk. 7 el däwamında eşläp kilüçe älege mäydançık 100-dän artık sälätlelärgä çiksez mömkinleklär açtı. Anıñ yardämendä uzgan elnı 700 000 sumnan artık akça tuplandı. Bıel älege summa tagın da artır dip ömetlänep kalabız! Sälätlelärneñ xıyallarına kanat kuyarga äzer bulsagız, fund.selet.biz saytına räxim itegez!

Bıelgı «Sämrux» el premiyaseneñ şäp yañalıgı – «El klubı» nominatsiyaseneñ Töbäk «Sälät» klubları öçen gamäli uku-ukıtu seminarı kısalarında uzuı. IX respublikaküläm «Sämrux» el premiyaseneñ saylap alu etaplarında märtäbäle jyuri ägzaları törle nominatsiyalärdä finalistlarnıñ çıgışların bäyaläde häm ciñüçelärne bilgeläde.

Ciñüçelärne büläkläü tantanası bıel da «Piramida» kontsertlar zalında ütäçäk. 19 fewral könne hämmägezne dä älege zur tantanaga çakırıp kalabız!