«Sälät-Olimp» ← kire kaytirga

«Fänsar» fän häm mägarif üzägendä (Alekseewsk rayonı) Tatarstannıñ barlık rayonnarınnan cıelgan 37 mäktäp ukuçısı katnaşında «Sälät-Olimp»nıñ bişençe smenası uzdı.

Smena 6-11-nçe sıynıf ukuçıları öçen  matematikadan olimpiada häm TDI äzerlek,  9-nçı, 11-nçe sıynıflarga däülät imtixannarı serlären açu, tarix häm cämgıyat belemen tiränten öyränügä yunälgän ide.

Här könne ukuçılar 9 sägat däwamında üzläre saylap algan fännär buença belem aldılar. Däreslär üz eçenä teoretik häm praktik öleşlärne ala. Mäktäptä KFU ukıtuçısı, yuridik fännär kandidatı M.W. Woronin, KFU dotsentı, olimpiadaga äzerläüçe trener D.W. Uşanow, KFU magistrantı, ukıtuçı A.M.Yusifow belem birde.

Nadir Kuramşin, proekt citäkçese:

- Miña kalsa, smena bik näticäle uzdı: 5 kön eçendä balalar faydalı belem aldılar. Alar anı kiläçäktä dä bik räxätlänep kullanaçak. Bu isä  proektnıñ ähämiyaten tagın ber kat assızıklıy.

Dinar Sagdeew, katnaşuçı:

- Uku wakıtında berençe tapkır gına Sälätkä baruım. Gel belem aluga gına yunälgän smenalarda çın Sälät moxite sizelmider kebek toela ide. Tik min yalgışkanmın ikän. Monı smenanıñ berençe minutlarınnan uk añlap aldım. Mondıy smenalar cäyne iskä alu öçen ber digän mömkinlek, yakın duslar, faydalı belem alu digän süz. Imtixannarga, olimpiadaga da äzerlänep buluı ikelätä dä şäp.

Dinar Sagdeew, Sälät media mäktäbe ukuçısı