«Sanak-lab»nıñ kışkı sessiyase uzdı kire kaytirga

«Sanak-lab»nıñ kışkı sessiyase uzdı

3-nçe gıynwardan 8enä kadär Yar Çallıdagı «Bumajnik» bazasında «Sanak-lab» uku-ukıtu laboratoriyaseneñ kışkı sessiyase uzdı. Smenada 86 sälkeş belem aldı häm kanikulların küñelle itep uzdırdı.

Uku-ukıtu programmasında mondıy ostaxanälär bar ide:

- programmalaştıru buença olimpiadaga äzerlänü;

- wideomontaj;

- informatika fänennän BDIga äzerlänü

- Python telendä uennar yazu;

- Python telendä saytlar buldıru;

- grafik dizayn;

- 3d-modelläşterü;

- ingliz tele;

- foto sängate;

- Kodu-da programmalaştıru.

«Bez kön saen saf hawada uennar uynadık, şugalakta şudık, sport estafetaları, KWN, KWIZ, «Käef şou», Yaña el bäyräme, Top-spiker uzdırdık. Şulay uk tılsımlı bal da buldı. Sessiya azagında workşop wakıtında sälkeşlär üzläre äzerlägän proektlarnı täkdim ittelär, ä axırdan alarga tanıklıklar taratıldı», – dip xäbär itte «Sanak-lab» uku-ukıtu laboratoriyase citäkçese Läysän Sabitowa.