«Sanak lab» uku-ukıtu laboratoriyase yunäleşlären täkdim itä ← kire kaytirga
Inde bügen, 22-nçe sentyabr könne, 17:30, Sälät yortında (konferents-zal, 4-nçe kat) «Sanak-lab» uku-ukıtu laboratoriyasendä Açık işeklär köne uzaçak. Biredä proektnıñ barlık yunäleşläre ukuçılarına täkdim iteläçäk, oeştıru komitetı däreslär tärtibe, ukıtuçılar belän tanıştıraçak.
Berençe 3 yunäleş turında saytıbız bitlärendä bez sezgä söylägän idek inde: yazma. Bügen kalgan 2-senä çirat citte. Aları da bik kızıklı, perspektiwalı, ähämiyatle.
Sxemotexnika
Kurs elektronika, elektr tabigate, elektron sxemalar belän kızıksınuçılar öçen faydalı bulaçak. Şulay uk biredä sezgä programmalaştıru serlären dä açarlar.
Däreslärne KFUnıñ Fizika institutı studentı Ruslan Damindarow alıp baraçak.
Kurs üz eçenä tübändägelärne ala:
- S programmalaştıru telen öyränü;
- Arduino kontrollerların programmalaştıru belän tanışu;
- Elektrik sxemalar buldıru, alar belän programmalar yardämendä idarä itü;
3d-modelläşterü (3 kırlı kompyuter grafikasın yasau kursı)
Kursnıñ programması kompyuter uennarı häm wizualizatsiya öçen 3d -model yasarga teläüçelär öçen kızıklı.
Däreslärne Kazan federal uniwersitetınıñ çıgarılış studentı Diana Galimowa alıp bara.
Kurs üz eçenä tübändägelärne ala:
- 3d-modelläşterüneñ töp printsipları belän tanışu;
- Blender programması interfeysı belän tanışu;
- 3 kırlı obektlarnı Blender häm başka programmalarnı kullanıp modelläşterü;
- 3d-model öçen tekstlı kartalar buldıru;
Olimpiadalı programmalaştıru
Älege kurs matematik biremnär çişärgä, optimal algoritmnar tözergä teläüçelär öçen.
Däreslärne Innopolis uniwersitetı studentı Azat Soltanow alıp bara.
Kurs üz eçenä tübändägelärne ala:
- S++ sintaksisın öyränü;
- Biremnär çişü öçen törle algoritmnar, töşençälär öyränü;
- Diskret matematika, algebra, geometriya häm matematik analiz ölkäsennän biremnärne analizlau.
Programma turında tagın da tulırak bez sezgä bügen söylärbez. Kilegez, tanışıgız, uñışlı kiläçägegezgä yul salıgız!