Ütkän comgada Orenburgta uzgan «Ewraziya Global» xalıkara yaşlär forumı kısalarında «Rossiya - Islam xezmättäşlege oeşması» yunäleşe buença xalıkara yaşlär xezmättäşlegeneñ proekt ofisın täkdim itü buldı. Anı buldıruda Yaşlär eşläre ministrlıgı häm «Rosmolodej» federal agentlıgı, şulay uk Sälät tä aktiw katnaşa.
⠀
Proekt ofisın täkdim itü çarasında «Sälät» yaşlär üzäge direktorı Aygöl Gabdraxmanowa, TR Yaşlär eşläre ministrınıñ berençe urınbasarı Timur Söläymanow, «Rosmolodej» federal agentlıgınıñ xalıkara eşçänlek bülege citäkçese Tatyana Seliwerstowa, IXO Yaşlär forumınıñ Ewraziya töbäk üzäge general direktorı Elmaddin Mexdiew, «Yaşlär diplomatiyase akademiyase» räise Diana Fazletdinowa katnaştı, IXO Yaşlär forumı prezidentı Taxa Ayxan onlayn kuşıldı. Ofis 22 nçe sentyabrdä Kazanda açılaçak.