«Sälätkä nur bulgan yoldızlar»nıñ küçmä sessiyase uzdı ← kire kaytirga

8-11 oktyabr könnärendä Flüs Latıyfi isemendäge IX «Sälätkä nur bulgan yoldızlar» açık ädäbi konkursınıñ «Akkoş küle» klubı küçmä mäktäbe uzdı!

Katnaşuçılar Bilärdäge «Fänsar» fän häm mägarif üzägenä cıeldı. Dürt kön däwamında katnaşuçılar belän ataklı şäxeslär eşläde, alar belän bergä üz icat cimeşlären analizladılar, praktik künegülärne yasadılar, treninglarda katnaştılar.

Çakırılgan spikerlar arasında:

Galimcan Gıylmanow — tatar yazuçısı, şagıyr, dramaturg häm ädäbiyat belgeçe;

Rezedä Säläxowa - Kärim Tinçurin isemendäge Tatar däülät drama häm komediya teatrı artistı, Musa Cälil isemendäge Respublika premiyase laureatı;

Landış Äbüdarowa - yazuçı, jurnalist, tärcemäçe;

Läysän Fätxetdinowa (Soltanowa) - şagıyrä, jurnalist;

Aygöl Abdraxmanowa - yaş yazuçı, jurnalist;

Läylä Xäbibullina - şagıyrä.

Mäsälän, Rezedä Säläxowa «Tän künekmäläre» digän ostaxanä ütkärde, yaş şagıyrlär betmäs ilham çıganagın ezläde, bulaçak prozaiklar personaj belän eşlärgä, ä jurnalistlar sorau birü alımnarına öyrände, ber-bersennän interwyu alıp karadı.

Alga taba katnaşuçılar belän eş «Akkoş küle» klubında däwam itäçäk!

Iskä töşeräbez, «Sälätkä nur bulgan yoldızlar» proektı Prezident grantları fondı häm Tatarstan Respublikası yaşlär eşläre ministrlıgı tarafınnan uzdırıla.

⠀