«Sämrux - 2017» el premiyase start birelde ← kire kaytirga

Bügen 16-nçı oktyabr könne «Sämrux - 2017» isemle Respublikaküläm sälätle balalar häm talantlı yaşlär premiyasenä gariza kabul itü kampaniyasenä start birelde.

Premiya Tatarstan Respublikası «Sälät» yaşlär ictimagıy fondı tarafınnan Tatarstan Respublikası xökümäte yardäme belän oeştırıla.

El saen uzdırıluçı «Sämrux - 2017» isemle Respublikaküläm sälätle balalar häm talantlı yaşlär premiyasendä Sälät xäräkätendä aktiw katnaşuçı balalar, yaşlär, ukıtuçılar katnaşa.

Premiya öç etapta uzdırıla:

1-nçe etap – «Garizalar kabul itü».

Katnaşuçılar garizanı raslangan forma belän tutıralar häm portfolioların oeştıru komitetına cibärälär.

Wakıtı – 2017 elnıñ 4-nçe dekabrenä kadär.

2-nçe etap – «Katnaşuçılarnı saylap alu. Çittän torıp katnaşu etabı».

Katnaşuçılarnı portfolio nigezendä saylap alu.

Wakıtı – 2017 el, 5-nçe dekabr - 8-nçe dekabr.

3-nçe etap – «Katnaşuçılarnı äñgämä nigezendä saylap alu».

Kandidatlar belän äñgämäne ekspertlar sowetı uzdıra häm bäya birä, anıñ töp maksatı – katnaşuçınıñ eşçänlege turında tulırak mäglümat alu.

Biremnärneñ formasın häm eçtälegen ekspertlar bilgeli. Konkurs uzdırıluga 5 kön kala, uzdırılu urını, wakıtı häm konkursnıñ eçtälege xakında xäbär itelä.

Wakıtı – 2017 elnıñ 11-nçe dekabrennän - 2018 elnıñ 23-nçe gıynwarenä kadär.

4 etap – «Tantanalı räweştä premiyane tapşıru».

2018 el, 8-nçe fewral – laureatlarnı häm premiyaneñ ciñüçelären büläkläü.

Kötelmägän şartlar kilep çıkkan oçrakta, Oeştıru komitetı premiyaneñ uzdıru etapların üzgärtergä mömkin.

«Sämrux - 2017» isemle Respublikaküläm sälätle balalar häm talantlı yaşlär premiyase tübändäge nominatsiyalär buença ütkärelä:

«El direktorı» nominatsiyase.

«El ölkän äydamanı» nominatsiyase.

«El alanı» nominatsiyase.         

«El sälkeşe» nominatsiyase.

«El äydamanı» nominatsiyase.

«El klubı» nominatsiyase.

«El kuldaşları» nominatsiyase.

«Sälät cırlıy» nominatsiyase

Oeştıru komitetı Premiyane äzerläü häm uzdıru öçen «Sälät» klubı ägzalarınnan, «Sälät», fondı häm «Sälät» yaşlär üzäge xezmätkärlärennän tuplana. Oeştıru komitetınıñ sostawı TRYaIF general direktorı tarafınnan raslana.

Gariza tapşıru wakıtı – 2017 elnıñ 4-nçe dekabrennän dä soñrak bulırga tieş tügel.

Premiyadä katnaşu garizası Oeştıru komitetına tapşırıla. Oeştıru komitetı adresı: Sälät yortı, Kazan şähäre, Ostrowskiy uramı, 23-nçe yort, 3-nçe bülmä.

Beleşmä öçen telefon: + 7 (843) 292 - 16 - 00.

Premiyaneñ nigezlämäse belän monda tanışa alasız. Katnaş, dustım!