«Bikafest» festiwalenä gariza kabul itü kampaniyase başlandı ← kire kaytirga

Bügen, 12 oktyabr könne, Röstäm Bikmullin isemendäge Respublikaküläm yaşlär cır-şigır «BikaFest» festiwalendä katnaşu öçen gariza kabul itü kampaniyase başlanıp kitte. Festiwaldä 200-dän artık sälätle bala katnaşaçak. Katnaşırga teläüçelärneñ yaşe 12-dän alıp 30-ga kadär.

«BikaFest» festiwale tübändäge nominatsiyalär buença ütkärelä:

- iñ osta awtor-başkaruçı;

- iñ osta kollektiw-başkaruçı;

- tatar xalık cırın iñ osta başkaruçı;

- tatar kompozitorlarınıñ akademik äsären iñ osta başkaruçı;

- üz äsären iñ osta yattan ukuçı (şigır, proza, ädäbi-muzıkal kompozitsiya);

- başka awtor äsären iñ osta yattan ukuçı (şigır, proza, ädäbi-muzıkal kompozitsiya).

«BikaFest» ike etapta ütkärelä:

1-nçe etap – garizalarnı kabul itü häm katnaşuçılarnı çittän torıp portfoliolar nigezendä saylap alu.

2-nçe etap – katnaşuçılarnı konkurs nigezendä saylap alu.

Festiwal 2001-nçe eldan «Sälät» berläşmäseneñ yakın häm kaderle dustı Röstäm Tälgat ulı Bikmullinnıñ isemen mäñgeläşterü maksatında oeştırıla. Bügen tatar estradası häm şigriyatendä isemnäre  eş yañgırıy torgan Asılyar, Ilnaz Safiullin, Aydar Söläymanow, Läysän Äsxätowa, Miläüşä Safina, şagıyrlär Gölnaz Garipowa, Yoldız Miñnullina, Liliya Gibadullina, Läysän Fätxetdinowa, Alinä Bikmullina, Rifat Säläxow h.b. icat yulların «BikaFest»ta ciñülärdän başlagan şäxeslär. Bu isemlektä sin dä üzeñne kürä alaçaksıñ. Mömkenlekne kuldan ıçkındırma!

Tulırak nigezlämädä
Garizalar monda kabul itelä.