«Äydamannar yarışı»nda katnaşu öçen garizalar kabul itäbez ← kire kaytirga

Kaderle äydamannarıbız! Sezne Sälät äydamannarı ostalıgı bäygesendä katnaşırga çakırabız! Ul oktyabr aenda, Bilärdäge «Fänsar» fän häm mägarif üzägendä «Äydamannar mäktäbe» proektı kısalarında ütäçäk.  Garizalar 15-nçe oktyabrgä xätle portfolio-selet.ru saytında kabul itelä.

Älege bäyge – unikal mömkinlek. Biredä ciñüçelär el saen uzdırıluçı «Sämrux» premiyasendä büläklänäçäk. Ciñüçegä, härwakıttagıça, maxsus sın tapşırıla!

Barlık katnaşuçılar da 2 kategoriyagä bülenä: berençe häm premer-liga.

«Berençe liga»da katnaşu öçen Sälät cäyge profille smenalarında äydaman bularak katnaşu kiräk. 

«Premer-liga»da katnaşu öçen taläplär:

1.     Sälät cäyge profille smenalarında eşläü täcribäse 2 tapkırdan da kim bulmaska tieş.

2.     Aldagı «Äydamannar mäktäbe»ndä katnaşu turında tanıklık.

3.     Tatar telendä irken söyläşü.

Bäyge 3 etaptan tora.

1-nçe etap – «Garizalar kabul itü». Katnaşuçılar barlık kiräkle mäglümatnı portfolio-selet.ru saytında tutıralar. «Bütännär» bülegenä kerep diplomnarnı, äydaman bulıp eşlägän alannıñ direktorınnan rekomendatsiyane tutırırga kiräk. Barlık mäglümatlarnı tutırgaç, gariza bäygeneñ Oeştıru komitetına kitä.

2-nçe etap – «Katnaşuçılarnı saylap alu». Katnaşuçılarnıñ portfoliolarına bäya birü.

3-nçe etap – «Äydamannar yarışı». Äydamannar üzlären törle yaktan kürsätergä tieş: icat, pedagogika, añ-belem.

Uñışlar sezgä!