Rinat Sadıykow: «Sälät» Tatarstannıñ yaşlär säyasätendä ähämiyatle rol uynıy ← kire kaytirga

Bügen Bilärdäge «Sälät» forumına Tatarstan Respublikası yaşlär ministrı Rinat Sadıykow kilde. Ul terrritoriya infrastrukturası: meditsina punktı, aşxanä, belem birü çatırları, sport mäydançıkları, «Canlı Sälät» studiyase eşçänlege häm çatırlarda yaşäü şartları belän tanıştı. Şulay uk ministr ber alannıñ turı tayagında katnaşuçılar belän bergä küplärgä tanış sörännärne äytte.

«Sälät» xäräkäte Tatarstannıñ yaşlär säyasätendä ähämiyatle rol uynıy. Balalar biredä tatar telen öyränä, törle çaralarda katnaşa. «Sälät»neñ üz atmosferası bar, anıñ katnaşuçıları şuşı moxitkä çuma. Forumlılarnıñ härçak üseştä buluın, belem aluın häm üzlären törle bäygelärdä sınawın telim», – dip bilgeläde Rinat Sadıykow.