«Sanak-lab» – sineñ uñış territoriyañ! ← kire kaytirga

Kaderle duslar, «Sanak-lab» uku-ukıtu laboratoriyasenä yaña çakırılış başlau turında iglan itäbez!

«Sanak-lab» –   Sälät yortında (Ostrowskiy ur., 23) mäktäp ukuçıları öçen IT-yunäleşlär buença el äylänäse däwam itüçe kızıklı däreslär ul.

Laboratoriyaneñ uku-ukıtu programması üz eçenä olimpiadalı programmalaştıru, kompyuter lingwistikasın, söyläm texnologiyalären öyränü, web-eşlänmälär yasau, robototexnika, mobil kuşımtalar, kompyuter uennarı uylap tabu, 3d-modelläşterüne ala.

Däreslärne respublikabıznıñ äydäp baruçı studentları, aspirantları häm ukıtuçıları alıp bara. Programma 12-18 yaşlek ukuçılar öçen karalgan. Törkemnär belem däräcäse häm yaş kategoriyase buença bülenä. Här törkemdä maksimum 10 keşe ukıy.

Laboratoriya üz eşçänlegen 2017-2018-nçe uku elınıñ sentyabr-may ayları aralıgında alıp bara. Şulay uk katnaşuçılarnı 2 sessiya dä kötä.

Ukıtu yunäleşläre

Unity 3D programmasında mobil caylanmalar öçen AR/VR kuşımtalar uylap tabu

Älege kurs wirtual häm östämä çınbarlıkta kuşımtalar uylap tabuçılar öçen kiräk.

Däreslärne Kazan federal uniwersitetı häm TRnıñ Fännär akademiyase belgeçläre Aydar Xösäenow häm Rumiya Soltanowa alıp baraçak.

Kurs üz eçenä tübändäge elementlarnı ala:

-         Unity3D  redaktorınıñ eş tärtibe häm printsipları belän tanışu;

-         3d-obektlar uylap tabarga, alar belän eşlärgä öyränü;

-         iOS häm Android  bazalı smartfonnar öçen VR/AR kuşımtalar uylap tabu;

-         wirtual çınbarlık eşçänlege kuşımtaları printsipların öyränü, HTC Vive  küzlekläre öçen kuşımtalar äzerläü;

-         östämä çınbarlık eşçänlege kuşımtaları printsipların öyränü, Vuforia häm ARKit  kitapxanälären kullanu.

Sistemalı administratsiyaläü

Däreslärne Sälät IT-üzäge belgeçläre alıp bara: Rinat Safin, Artur Mingalimow, Aliya Galiewa, Ilnar Sabircanow.

Kurs üz eçenä tübändäge elementlarnı ala:

-         kompyuter, anıñ komplektatsiyase, funktsiyaläre belän tanışu;

-         Windows, Linux häm Mac operatsion sistemaları, alarnıñ üzençälekläre, tözeleşläre häm urnaştırılışları belän tanışu;

-         Lokal çeltärneñ nigezläre, internet eşçänlege belän tanışu;

-         Wirtualizatsiya töşençäse belän tanışu;

-         ActiveDirectory xezmäte, anıñ eş mexanizmnarı belän belän tanışu.

Saytlar yasau

Kurs saytlar uylap tabarga teläüçelär öçen faydalı bulaçak. Täkdim itü blogınnan (html, css, js) başlap logikaga (php) kadärle töşençälär däreslärdä karalaçak.

Ukuçılarga FSEP kompaniyase programmistı, KFU ITIS yugarı mäktäbe studentı Wiktor Emelyanow belem biräçäk.

Kurs üz eçenä tübändäge elementlarnı ala:

-         Werstka texnologiyaläre (html, css, javascript) belän tanışu;

-         Kaskadlı tablitsalar belän eşlärgä öyränü;

-         Kitapxanälär (bootstrap) belän eşlärgä öyränü;

-         Klient-serwerlı kuşımtalar belän eşläü;

-         PHP belän eşlärgä öyränü. 

Yaş programmist! Bezneñ belän bergä üs! Bez siña uñışlı belgeç bulırga yardäm itärbez!

Katnaşu öçen garizanı biredä tutırıgız. 

22-nçe sentyabr, 17:30, Sälät yortında uzaçak Açık işeklär könenä dä kilergä onıtma! Biredä sin Proekt turındagı barlık soraularıña da cawap taba alaçaksıñ. 

Küreşkängä kadär!