Sälätlelär Nataliya Fişman häm Anton Koçurkin belän bergä Bilärne üzgärtäçäklär ← kire kaytirga
Tatarstan Respublikasınıñ su saklau zonaları elına bagışlangan bıltırgı V Xalıkara yaşlär uku-ukıtu Sälät forumınıñ töp teması bıelgı çarada da üz çagılışın taptı. Bu Forumnıñ östämä teması bulıp «Ekologiya häm totrıklı üseş» yunäleşe tordı. Ul Räsäydä Ekologiya elı kısalarında baruçı Tatarstan Respublikasınıñ ictimagıy kiñleklärendä ekologiya elına bagışlangan. Yunäleşne tulısınça açıp birü öçen Forum territoriyasendä art-obektlar urnaştırdık: Kazan däülät energetika uniwersitetı belän berlektä uylap tabılgan çüp-çarnı aerım cıyu öçen maxsus installyatsiyalär, elektr energiyase barlıkka kiterüneñ alternatiw alımnarı öçen caylanmalar palatkalı şähärçektä urın aldılar.
Totrıklı üseş maksatları uenında, Tatarstannıñ häm Räsäyneñ äydäp baruçı ekspertları, galimnäre belän tematik oçraşular barışında, hönäri ostalıklar laboratoriyase eşçänlegendä (JuniorSkills programması) dä älege tema yaktırtıldı.
Ekologiya turında Tatarstan Respublikası Prezidentı yardämçese Nataliya Fişman häm «8 liniy» proektlar törkeme citäkçese Anton Koçurkin belän dä söyläştek.
Anton Koçurkin üzeneñ proektlar törkeme belän tanıştırdı. Ul ilebez territoriyasendä genä tügel, çit illärdä dä çınga aşırıla ikän. Antonnıñ komandasın şähärlärdä ictimagıy kiñleklärne tözekländerü mäsäläse kızıksındıra. Citäkçe arxitektura ölkäsenä kagılışlı proektın da täkdim itep uzdı. Biredä ul töp basımnı Bilär territoriyase baylıgına, bu cirneñ östenlekläre häm minuslarına, relefına igtibar itep anı tözekländerü ideyalärenä yasadı. Şuşı üzgäreşlär xisabına Bilär turistlar arasında tanılu alır ide. Proektnıñ maksatı da şuña kaytıp kala.
Anton Koçurkin eşendä Bilär muzey-tıyulıgına gına tügel, ä Sälät Forumı mäydanına da urın tabılgan ide. Proektnıñ näticäse bulıp territriyalärne berläşterü, kış könnärendä dä turistlar sanı kübäyu, Sabantuyga küpläp kunaklar çakıru, şäxsi imidj, rekratsion zonalar çeltärü buldıru torırga tieş. Komanda bu eşkä 5 el wakıt kiräk dip sanıy.
Proektnıñ prezentatsiyasennän soñ Anton Koçurkin häm Nataliya Fişman sälkeşlärneñ dä fikerlären tıñladı, tugan soraularına cawap birdelär.
Forum eşçänlege barışında «Sälät» Fondı başkarma direktorı Timur Söläymanow belän berlektä Tatarstan Respublikası Prezidentı Röstäm Nurgali ulı Miñnexanowka da älege proekt täkdim itelde. Bilär muzey-tıyulıgın tözekländerü yunälderelgän bu proekt Röstäm Nurgali ulına da oşadı, anı çınga aşıru öçen kürsätmälär birde.