«Fänsar» mäktäbe Tatarstannıñ häm Räsäyneñ Yugarı uku yortlarına uñışlı ukırga kerü öçen äzerli ← kire kaytirga

24-nçe marttan 30-nçı martka kadär «Fänsar» fän häm mägarif üzägendä,  Bilärdä, «Fänsar» mäktäbeneñ yazgı sessiyase uzaçak.

«Fänsar» mäktäbe – uku-ukıtu proektı, ul belemgä, fängä omtıluçı yaşlär öçen uylap tabıldı. Biredä ukuçılarga mäktäp programmasında karalmagan belem birelä.  «Fänsar» mäktäbe uku yortına yörep häm çittän torıp ukıy torgan mäktäp formatında, Tatarstan Respublikası Xökümäte yardäme belän ütkärelä. Mäktäp ukıtuçıları – Räsäy Yugarı uku yortlarınıñ äydäp baruçı ukıtuçıları.

   Bu proekt üz eşçänlegen 2002-nçe elda başladı. Şul wakıt aralıgında «Fänsar» mäktäbendä 2000-nän artık ukuçı katnaştı, soñrak alarnıñ härkaysı Yugarı uku yortına kerügä ireşte.

   «Fänsar» mäktäbeneñ yazgı sessiyasendä Tatarstannıñ barlık rayonnarınnan (Aksubay, Alekseewsk, Älmät, Arça, Bua, Kaybıç, Kukmara, Mamadış, Minzälä, Sarman, Teläçe rayonnarı, Bögelmä, Alabuga, Yaşel Üzän, Kazan, Yar Çallı, Tübän Kama şähärläre) häm Başkortostan Respublikasınnan 60 mäktäp ukuçıları katnaşaçak.

   Sessiya 9-11-nçı sıynıf ukuçıların ukıtuga yunälderelgän.

   Programmada matematika, fizika, ximiya, biologiya, cämgıyat beleme buença däreslär, KFU wäkillärennän ostaxanälär, intellektual uennar: «Närsä? Kayda? Kayçan?», «Wakıt kapsulası», «Yözgä ber», 21-nçe aprelda Sälät Yortında (Kazan şähäre, Ostrowskiy ur.,23) uzaçak «Fänsar» mäktäbeneñ Fänni-gamäli konferentsiyasenä äzerlänü karalgan. Monnan tış, sessiya kısalarında Sälät olimpiadası da uzaçak.

   Sessiya programmasınıñ tagın ber möhim öleşe – «Cir sägate», «Mr.Robot 2.0» kebek kwestlar.

   Şulay uk Tatarstan Respublikası Fännär Akademiyase ägza-korrespondentı, tarix fännäre doktorı Fayaz Xucin belän dä oçraşu karalgan.

Intellektual-küñel açu programması kısalarında «Açık mikrofon» bäygese, Yazgı bal häm üzençälekle kontsert ta uzaçak.