«El alanı» ciñüçese saylandı ← kire kaytirga
19-nçı gıynwar könne Sälät Yortında «Sämrux-2017» premiyase kısalarında «El alanı» nominatsiyaseneñ saylap alu turı uzdırıldı. Älege kiçne, töp büläk häm ciñüçe isemenä laek bulır öçen 6 alan yarıştı:
• «Sälät-Bilär kalası»
• «Sälät-Sanak»
• «Sälät-Samara»
• «Sälät-Iske Kazan»
• «Sälät-Aznakay»
• «Sälät-Rauşan»
Kiçäne sälamläü süzläre belän «Sälät» Fondınıñ başkarma direktorı Timur Söläymanow başlap cibärde: «Nihayat, «Sämrux-2017» premiyaseneñ saylap alu turlarınıñ yomgaklau kiçäse kilep citte. Şunı äytep ütäse kilä: Bez 25-nçe sezonga kerep kittek. Bu cäyne tagın da kübräk alannar häm 6 forum kötelä. Minemçä, bu yaña rekordlarga, yaña kızıklı tanışu-oçraşularga, yaña proektlarga ayak basu etabı», dip, assızıkladı Timur Söläymanow.
Bäyge aldınnan şulay uk üzläreneñ fikerläre belän «Sälät-Aznakay» direktorı Dilärä Sabitowa urtaklaştı: «Minemçä, bu barlık nominatsiyalärne berläşterüçe nominatsiya. Çönki anıñ yardämendä açık räweştä, alanga kagılışlı zur komanda belän eşlängän eşne küzätep bula».
Çaranı açıp cibärü mömkinlege «Sälät-Rauşan» alanına birelde. Älege alan üzen bik citdi eşläwen belderer öçen, çıgışların press-konferentsiya formatında täkdim itärgä buldılar. Prezentatsiyadä alanga kagılışlı barlık soraularga da tögäl itep cawap birelde. Smena däwamında eşläp kilüçe barlık yunäleşlär turında da centekläp söylärgä onıtmadılar.
«Sälät-Bilär kalası» wäkilläre üz çıgışların bik üzençälekle, kızık räweştä täkdim itärgä buldılar. Alar smenaların restoran belän çagıştırdılar. Citäkçelär fikerençä, smenanı äzerli torgan barlık keşelärne (direktor, ölkän äydamannı, metodistnı, sälkeşlärne h.b) restorandagı törle aşamlıkka turı kiterep bula. Älege çıgışnı karap çıkkannan soñ, «Sälät-Bilär kalası»nda «salattan» başlap «desertka» kadär eşlägännärendä inandık.
Çaranı «Sälät-Iske Kazan» wäkilläre däwam itte. Alar fikerençä, «El alanı» nominatsiyaseneñ üzençälege: el däwamında uzdırılgan eşçänlekne biredä kürsätü mömkinlege. Barlık tamaşaçını «xıyal ilenä» küçerep, Seber, Krım, Xaci Tarxan xanlıkları ruxları belän tanıştırdılar. Çıgış wakıtında älege uylap çıgarılgan personajlar kemneñ iñ kürenekle bulganı turında bäxäsläşep utırdılar. Alarnı barı tik Kazan xanlıgı duslaştıra häm berläşterä aldı.
Kiläse bulıp säxnädä kostyumnarga bay bulgan «Sälät-Sanak» çıgışın küzätep buldı. Biredä bez smenanıñ soñgı könenä küçä aldık. Çıgış däwamında sälkeşlär üzläreneñ uylap tapkan proektların da täkdim itep ölgerdelär. Şunısın da äytergä kiräk, bu alannıñ däräcäsen sälkeşlär yakladı! Kızlar häm egetlär, sez afärin!
Estafetanı «Sälät-Aznakay» alanı kabul itkäç, çarada utırgan barlık kunaklar yumorga bay bulgan «Kiçke Röstäm» digän programmanıñ tamaşaçısı bula aldı. Biredä, Röstäm isemle alıp baruçı üzeneñ studiyasendä kunak bularak sälkeş, direktor belän ölkän äydamannı kabul itte. Äñgämä räweşendä kunaklar tulaem smena turında söyläp birdelär. Smenanıñ eşçänlegen 100% küz aldına kiterer öçen wideo da täkdim ittelär. Bik kızıklı çıgış kilep çıktı diyargä kiräk!
Saylap alu turınıñ berençe bäygesen äle bik yaş bulgan «Sälät-Samara» tämamladı. Prezentatsiyaläre yardämendä tamaşaçını kosmoska küçerdelär. Älege bäygegä egetlär bik citdi äzerlängännär. Monıñ turında säxnädäge rekwizitlar, kostyumnar söyläde. Barı tik alarnıñ çıgışında gına kunaklar kosmik raketa kürü mömkinlegenä iya buldılar.
Katnaşuçılarga äzerlängän ikençe bäyge «Blits-opros» formatın yörtte. Biredä härber alannıñ wäkilläre geografiya, matematika, Sälät, tatar ädäbiyatı temalarına bagışlangan soraularga 1 minut eçendä cawap ezlädelär.
Älege kötelgän nominatsiyadä ciñü yaulagan alannıñ isemen bez, 2018-nçe elnıñ 8-nçe fewralendä «Sämrux» premiyaseneñ buläkläü tantanasında, G.Tukay isemendäge Tatar Däülät Filarmoniyasendä belerbez.
«Sämrux-2017» premiyaseneñ partnerları: «Tübätäy» tatar milli tiz tuklanu çeltäre, SELETSTORE yaşlär kieme häm aksessuarlar kibete, «Besedka» hönärxanäse, «Rocket Records» tawış yazdıru studiyase, G.Kamal isemendäge Tatar däülät akademiya teatrı, «Widimıy swet» foto häm wideo studiyase, FUN24 küñel açu häm «Ixsan» trening üzäge.