«Sälät-Tel 2017». «Ostalar bistäse 2017» ← kire kaytirga

9-nçı iyun- könne ber-yulı ike smenanı açıp cibärdek: Laeş rayonında urnaşkan «Zwezdnıy» yal häm sälamätländerü lagerendä «Sälät-Tel», Bilärdäge «Fänsar» fän häm mägarif üzägendä «Ostalar bistäse» alanı başlanıp kitte. Ike smena da üzendä Tatarstannan häm Räsäyneñ başka töbäklärennän sälätle balalarnı cıydı.

18 kön eçendä «Sälät-Tel» katnaşuçıları tellär, «Ostalar bistäse» alanı sälkeşläre kuldan eşlänmälär yasarga öyränäçäk.

Kemder Sälät dön-yasına berençe adımnarın gına yasasa, kemnärder inde bıltırgı Sälät biyulären, sörännären kabatlap ta ölgergän. Ut yanıp toruçı küzlär, şat kölü awazları, duslık xisläre – bolar barısı da sälkeşlärne surätli. Äydamannarnı, äti-änilärne, balalarnı «Sälät» Fondınıñ başkarma direktorı Timur Söläymanow ta sälamläp uzdı: «Barıgıznı da biredä kürüemä çiksez şatmın! Sezneñ öçen mömkinleklär dön-yasın açarga äzerbez! Ukıgız, yal itegez, küñel açıgız! Uñışlar sezgä!»

Läysän Miñnullina, «Ostalar bistäse 2017» äydamanı:

- Nihayat-, min dä berençe tapkır äydaman bulıp baram. Bıltır «Bolgar-Tugan tel» forumında äydaman bularak katnaşkan idem, tik ul wakıtı buença bik kıska. Bıel min zur, dus-tatu alannıñ äydamanı! Üzemneñ genä tügel, sälkeşläremneñ dä xıyalın çınga aşırırga tırışaçakmın. Törkememdä 28 bala, kübese Kazannan. Anketaların öyränep utırganda, kübeseneñ biyu belän mawıkkanın beldek. Mögaen, berär küñelle fleşmob oeştırmıy bulmas.

Aliya Äxmätowa, «Ostalar bistäse 2017» ölkän äydamanı:

- Bıel bezneñ alanda 83 bala katnaşa. Programma injeneriya grafikası häm gamäli fännärgä bagışlangan. Balalarnıñ küpçelege Tatarstannan, Başkortostannan. Alarnı 5-nçe sıynıftan başlap cıydık, tik yugarı sıynıf ukuçıları da yuk tügel. Programma östendä küp köç kuydık, balalarga kızıklı bulsın dip tırıştık. Häm ul balalar armıy ukısın, tik mömkin kadär kübräk belem tuplarlık itep tözelgän. Istälekkä üz kulları belän yasalgan eşlänmäläre dä kalaçak.

Marsel- Imatow, äti:

- Min biregä ulım Säetne alıp kildem, aña 10 yaş-. Bez Mäskäüdän kildek. Sälät turında Kazandagı duslarıbız söyläde. Alarnıñ ulları da bıltır Sälättä yal itkän, bik oşatıp kaytkan, şuña bıel bez dä täwäkällärgä uyladık. «Ostalar bistäse»neñ tematikası ulıma bik oşıy, ul kuldan eşlänmälär yasarga yarata. Smenadan bik küpne kötäbez: yaña belemnär, küp duslar häm tatar moxite, älbättä.

Rawil Misbaxow, «Sälät-Tel» äydamanı:

- Min Sälättä 2014-nçe eldan birle. Sälkeş bularak ta şaktıy alannarda yal ittem. Ä äydaman sıyfatında min inde 8-nçe tapkır baram. «Sälät-Tel»dä 3-nçe tapkır äydaman bulaçakmın. Gadätkä kerde inde. (Kölä) Balalar öçen kızıklı bäygelär häm mawıktırgıç uennar äzerlädem. Sälkeşlär! Sälkeşlek çorınıñ kaderen belegez!

Daniil Yurinow, «Sälät-Tel 2017» sälkeşe:

- Min 7-nçe sıynıfnı tämamladım, inde 4-nçe tapkır «Sälät-Tel»gä baram. Ul miña ütkärelü wakıtı buença uñaylı. Böten duslarım da biredä. Mondagı keşelär alar bötenese dä minem duslarım! 4 el däwamında ispan telen öyrändem. Alga kiteş, çınnan da, bar. Ütkän elnı da, bıel da minem äydamanım – Rawil abıy. Bu minem öçen zur şatlık. Muzıka belän kızıksınam: fortepianoda, gitara, fleytada uynıym.

Azat Şämsiew, äti:

- Olı kızım sezdä ya itkän ide inde, bıel ulımnı da cibärergä uyladım. Alar 4-nçe häm 5-nçe sıynıflarnı tämamladılar. Sälät üzemä dä bik oşıy, biedä alar çit tellärne genä tügel, ä tugan tatar telebezne dä öyränälär. Barlık programmalar da şäxes üsterü häm sälätle tatar yaş-lären berläşterügä yunälderelgän. Şuña da el saen bez Sälätne saylıybız.