I Xalıkara «Sälät – Uniwersitet Talantow» biennalesı ← kire kaytirga
30-nçı mart – 4nçe aprel aralıgında Sälät yortında (Ostrowskiy ur., 23) sälätle balalar häm yaşlärne ezläü, tabu häm alarnı üsterü buença I Xalıkara «Sälät – Uniwersitet Talantow» biennalesı uzaçak.
Biennalenıñ ideyase sälätle balalar häm yaşlär belän eşläüçe berläşmäneñ, Räsäy häm çit il oeşmalarınıñ tuplangan täcribäsen urtaklaşu, gomumiläşterü häm fiker alışu öçen mäydançık buldıruga kaytıp kala.
Biennale Tatarstan Respublikası ictimagıy «Sälät» yaşlär fondı belän Tatarstan Respublikasınıñ yaşlär eşläre häm sport ministrlıgı, «Kazanskiy otkrıtıy uniwersitet talantow 2.0» oeşması tarafınnan oeştırıla.
Sälät Tatarstan Respublikasınıñ meñlägän balaları häm yaşläreneñ säläten üsterüdä yardäm itüçe sistema bulıp tora. Bügenge köndä ul kürşe töbäklärdä dä tanılu aldı, respublikabıznı tanıtuçı brendka äwerelde. Bıel Sälät «Tatarstan Respublikasında sälätlelär belän strategik idarä itü» Däülät programmasınıñ räsmi operatorlarınıñ berse buldı, «Kazanskiy otkrıtıy uniwersitet talantow 2.0» oeşması belän berlektä Däülät programmalarınıñ ike profille yunäleşe öçen cawap birälär: «Fänni yarışlar çempionatı» proektlı bäygese häm «Dönyanıñ sälätläre: sälätle balalarnı üsterü häm yardäm itü buença iñ yaxşı praktikalar» seminarı.
«Kazanskiy otkrıtıy uniwersitet talantow 2.0» oeşması – sälätlären kürsätep ölgergän yaş buınnıñ potentsialın açuga yunälderelgän üseş institutı. Ul belem alu, şäxes bularak tormışka aşu, eşkä urnaşu, hönäri üseş turında mäglümatlar citkerä.
Biennale kısalarında Sälät berläşmäseneñ Açık işeklär köne dä uzaçak. Biredä töp nizamätlär, sälätle balalar belän eşläü texnologiyaläre, Sälät berläşmäseneñ üseş texnologiyaläre täkdim iteläçäk. Şulay uk fänni-ekspertlar berlege belän berlektä «Bilgelängän üzäk Tatarstan Respublikası sälätle balaları häm yaşläreneñ üseşe mexanizmı bularak» temasına proektlı sessiya dä uzaçak.
Sälätneñ cäyge kampaniyasenä dä zur igtibar bireläçäk: Tatarstan Respublikası territoriyalärendä uzuçı traditsion smenalar belän berrättän, bıel allanar kürşe Başkortostan,Çuwaşiya Respublikalarında da uzaçak. Berençe tapkır «Sälät-Samara» häm «Sälät-Monreal» smenaları ütkäreläçäk.