I Халыкара «Сәләт – Университет Талантов» биенналесы ← кире кайтырга

30-нчы март – 4нче апрель аралыгында Сәләт йортында (Островский ур., 23) сәләтле балалар һәм яшьләрне эзләү, табу һәм аларны үстерү буенча  I Халыкара «Сәләт – Университет Талантов» биенналесы узачак.

Биенналеның идеясе сәләтле балалар һәм яшьләр белән эшләүче берләшмәнең, Рәсәй һәм чит ил  оешмаларының тупланган тәҗрибәсен уртаклашу, гомумиләштерү һәм фикер алышу өчен мәйданчык булдыруга кайтып кала.

Биеннале  Татарстан Республикасы иҗтимагый «Сәләт» яшьләр фонды белән Татарстан Республикасының яшьләр эшләре һәм спорт министрлыгы, «Казанский открытый университет талантов 2.0» оешмасы тарафыннан оештырыла.

Сәләт Татарстан Республикасының меңләгән балалары һәм яшьләренең сәләтен үстерүдә ярдәм итүче система булып тора. Бүгенге көндә ул күрше төбәкләрдә дә танылу алды, республикабызны танытучы брендка әверелде. Быел Сәләт «Татарстан Республикасында сәләтлеләр белән стратегик идарә итү» Дәүләт программасының рәсми операторларының берсе булды, «Казанский открытый университет талантов 2.0» оешмасы белән берлектә Дәүләт программаларының ике профильле юнәлеше өчен җавап бирәләр: «Фәнни ярышлар чемпионаты» проектлы бәйгесе һәм «Дөньяның сәләтләре: сәләтле балаларны үстерү һәм ярдәм итү буенча иң яхшы практикалар» семинары.

«Казанский открытый университет талантов 2.0» оешмасы – сәләтләрен күрсәтеп өлгергән яшь буынның потенциалын ачуга юнәлдерелгән үсеш институты. Ул белем алу, шәхес буларак тормышка ашу, эшкә урнашу, һөнәри үсеш турында мәгълүматлар җиткерә.

Биеннале кысаларында Сәләт берләшмәсенең Ачык ишекләр көне дә узачак. Биредә төп низамәтләр, сәләтле балалар белән эшләү технологияләре, Сәләт берләшмәсенең үсеш технологияләре тәкъдим ителәчәк. Шулай ук фәнни-экспертлар берлеге белән берлектә «Билгеләнгән үзәк Татарстан Республикасы сәләтле балалары һәм яшьләренең үсеше механизмы буларак» темасына проектлы сессия дә узачак.

Сәләтнең җәйге кампаниясенә дә зур игътибар биреләчәк: Татарстан Республикасы  территорияләрендә узучы традицион сменалар белән беррәттән, быел алланар күрше Башкортостан,Чувашия Республикаларында да узачак. Беренче тапкыр «Сәләт-Самара» һәм «Сәләт-Монреаль» сменалары үткәреләчәк.