Sälät studentları ciñügä ireşte ← kire kaytirga
Sälät oeşması öçen älege premiya şulay uk bik möhim. Çönki biredä üz köçlären «Sälät» klubı prezidentı Igor Smirnow häm Sälät aktiwistı Rufat Kıyamow sınap karadılar.
Bu kiçne Kazannıñ töp säxnäläreneñ bersendä 19 nominatsiyaneñ ciñüçelären iglan ittelär. Alar arasında iñ yaxşı sportsmennar, artistlar, studentlar MMÇ wäkilläre, fän häm cämägat oeşmaları wäkilläre.
«El studentı-2017» premiyaseneñ kümäk nominatsiyasendä ciñüçelär brendlaşkan poligrafiya produktsiyasenä karalgan 7 meñnän 20 meñgä kadär bulgan sertifikatlarga iya buldılar.
Sälät oeşması öçen dä şatlıklı xäbär bar. «Sälät» klubı prezidentı Igor Smirnow katnaşa torgan «Obşçestwennik goda» nominatsiyasendä ciñüçe bulıp saylandı. Rufat Kıyamow şul uk nominatsiyadä laureat däräcäsenä laek buldı.
Premiya tämamlangaç, katnaşuçılar xis-kiçereşläre belän urtaklaştılar:
Älege premiyadä katnaşırga niçek uyladıgız?
Igor Smirnow:
- Döresen genä äytkändä, axırga kadär katnaşırga plannaştırmagan idem. Portfolionı birüemneñ töp säbäbe – tanışlarımnıñ täkdim itü xatları häm dokumentların kabalanıp cıep yörüläre buldı. Şunnan soñ gına min Yugarı uku yortında uzuçı «El studentı»na porftoliomnı tuplarga buldım. Soñrak kına şul 1 portfolio belän ike bäygedä katnaşıp bulgannı añladım. Şulay itep garizanı cibärdem dä inde.
Rufat Kıyamow:
- Duslarım arasında minnän olırak bulgannar, ostazlarım disäm dä yalgış bulmas, älege premiyadä katnaşıp kararga kiñäş birdelär. Ser itep äytkändä, küp uylamıyça, üzemne biredä sınap kararga buldım.
Älege «El studentı-2017» premiyase sezneñ öçen närsä?
Igor Smirnow:
- Premiya ul – uzgan elga yomgak yasau, aerım räxmät süzlären citkerü çarası. Şäxsän minem öçen ciñüçe statusı ul – yaña mömkinleklär, maksatlar häm kanägatlänü xise.
Rufat Kıyamow:
- Minem fikeremçä, älege premiya ul – üzeñne respublikaküläm däräcäsendä kürsätü mömkinlege. Şunı da onıtmaska kiräk, biredä sin üzeñneñ eşçänlegeñne, kazanışlarıñnı täkdim itä alasıñ. Kem belä, bälki kemder näk menä sine biredä kürep, xezmättäşlek täkdim itär.
«El studentı» premiyasennän soñ nindi xis-kiçereşlär toydıgız?
Igor Smirnow:
- Döresen äytkändä, ozak kına respublikanıñ iñ yaxşı studentlar isemlegenä kerüemä künegä almadım. Mäktäptä ukıgan çakta «El ukuçısı» däräcäsen alganım bar. Monda da şundıyrak xäl. Läkin biredäge masştablar minem öçen – şok. Kıskası, xäzerge wakıtta min añlau torışında.
Rufat Kıyamow:
-Älege premiya mindä barı tik uñay xis-kiçereşlär genä kaldırdı. «El studentı-2017» gadi gına premiya, büläkläü tügel, bu çın zur, masştablı bäyräm! Minemçä, bu studentlar öçen grandioz tamaşa!
Kiläse elda katnaşaçak studentlarga närsä telär idegez?
Igor Smirnow:
- Berençedän, garizanı tapşıru belän suzmaska kiñäş itäm. Aldan uk anıñ eçtälege, dizaynı turında uylagız. Soñınnan, centekläp final öleşenä äzerlänegez, yä eçegezdän kiläse elga äzerlänä başlagız. Başlangannı yulnıñ yartısında berkayçanda kaldırmagız!
Rufat Kıyamow:
- Iñ möhime – sabırlık! Barısı da üz wakıtı belän kiläçäk. Şulay uk, berkayçanda ber urında basıp tormagız! Härwakıt yaña açışlarga omtılıgız, härber mömkinleklär belän kullanıgız.
Egetlär, sezgä aldagı tormışıgızda da yugarı ürlärgä menüegezne, barlık fikerläregezneñ tormışka aşuın, yaña uñışlı proektlar teläp kalabız!