Sälät Saba rayonı balaları öçen menä digän intellektual bäyräm ütkäräçäk ← kire kaytirga

Irtägä, 15 -nçe dekabr könne, 13:00 Saba rayonınındagı balalar icat yortında (Z.Yusupowa,32) Sälät proektlarnıñ aktiwistları häm liderları Saba balaları öçen intellektual uen ütkäräçäklär. Delegatsiyane «Sälät» Klubınıñ prezidentı Igor Smirnow citäkli.

Uen 10 sorau häm 4 turdan tora. Berençe tur – grafika, ikençe – törle temalardan alıngan wiktorina sorauları, ä öçençe turda ber genä temadan soraular karalgan häm dürtençe tur muzıkal bula. Uennıñ näticäsendä öç prizer diplomnar belän büläklänäçäk, ä ciñü yaulagan komanda yaz köne final uenga Tatarstannıñ başkalası Kazanga Sälät yortına (Ostrowskiy, 23)kiläçäk. 

Kunaklar şulay uk Sälätneñ printsipları, proektları häm andagı mömkinleklär belän tanıştıraçaklar. 

Sälät – el däwamında üsä torgan moxit. El däwamında Sälät yortında 50dän artık proekt uzdırıla, Tatarstan respublikası Alekseewsk rayonı «Fänsar» bazasında, şulay uk Tatarstannıñ häm Samara ölkäseneñ ictimagıy belem birü oeşmalarında Sälät klubları eşläp kilä.

Cäyge garizalar kabul itü kampaniyase başlandı. Cäy – Sälät xäräkäte öçen üzençälekle wakıt. El saen Tatarstanda , Başkortstanda, Çuwaşiyadä,ütkän eldan başlap Samara ölkäsendä häm Kanadada 25 profille smena oeştırıla, Sälät festiwale häm forumı ütkärelä. Bu elnı kanikullarnı faydalı itep Kara diñgez buyenda ütkärep bulaçak. Katnaşır öçen garizalar portfolio-selet.ru saytında kabul itelä. Anda barı tik registratsiya ütep, üzeñneñ kazanışlarıñnı berketergä genä kiräk.