«El sälkeşe» ← kire kaytirga

«Sämrux» el premiyase – sälätle balalarnı büläkläü tantanası gına tügel, üzeñne kürsätü, säläteñne açu häm ideyalärne çınga aşıru mömkinlege dä. Premiyaneñ töp nominatsiyaläreneñ berse bulıp «El sälkeşe» tora. Bu añlaşıla da. Sälät dönyası belän tanışu sälkeşlek çorınnan başlana bit. 8 nominant arasında bıel ciñügä Aygöl Şakirowa ireşte. Ciñüçe kızıbız xis-kiçereşläre belän urtaklaştı.

- Aygöl, üzeñ turında söylä äle.

- Min üzem Balık Bistäsennän. Bügenge köndä Kazan federal uniwersitetınıñ IT-litseenda 11-nçe sıynıfta belem alam.

- Sälättäge tarixıñ belän dä tanıştırıp ütçe.

- Sälättä min 2012-nçe eldan birle. «Sälät-Bilär Kalası», «Sälät-Ruxiyat», «Sälät-Rauşan» alannarında buldım. «BikaFest» festiwalendä, Xalıkara Sälät yaşlär uku-ukıtu forumında da katnaştım.

- Buş wakıtıñda ni belän şögıllänäseñ?

- Icat belän şögıllänäm: biim, cırlıym. Kiläçäkkä plannarım zurdan, barlık maksatlarıma da ireşäsem kilä.

- Xıyalıñ barmı?

- Xıyalım bar – gadi bäxetle keşe bulu.

- Ciñüeñne kötteñme?

- Yuk, çınlap äytkändä, ciñärmen dip uylamadım. Uñış köçenä ışanam, tik ul kiçne üz isememne işetkäç şok xälendä kaldım. Älegäçä dä ışana almıym äle! (Kölä) Xis-kiçereşläremne añlatıp betergesez. Räxmät, Sälät! 

- «Sämrux» sineñ öçen närsä ul?

- «Sämrux» minem küñelemdä iñ yaktı mizgellärneñ berse bulıp kalaçak. Sälät – gailä, duslar ul. Alardan başka tormışımnı küz aldına da kiterä almıym.

- Premiyaneñ katnaşuçılarına teläkläreñ.