Änwär Xäyri ukularında üz ezeñne kaldır!

2-3-nçe dekabr aralıgında «Fänsar» uku-ukıtu üzägendä Änwär Xäyri ukuları ütäçäk.

Änwär Xäyri gomeren milli mädäniyat, mägarif häm fänne üsterügä, öyränügä bagışladı. Tirän fikerläüçe galim bularak ul mädäniyatneñ kiñ kırlı problemalarına igtibar birde: tekstologiya, milli sängat, folklor, tatar telen, anıñ borıngı çıganakların, kägazdä bilgelängän icadi resurslarnı öyrände.

Änwär Xäyri – islam dine belgeçe dä. Ul üzen osta tärcemäçe, talantlı publitsist bularak ta tanıttı. Änwär Xäyri meñlägän Sälätle balalar häm yaşlär üseşenä äytep-betergesez öleşen kertte, alar öçen mögallim dä, ostaz da, yakın dus ta bula belde.

Berniçä distä ellar däwamında Änwär aga Sälätlelärgä Bilär kalasınıñ faydalı kazılmaları turında däreslär ukıttı. Baksañ, bu däreslär Bagdad posollıgı sekretare Ibn Fadlannıñ yazmalarınnan tatarçaga tärcemälärenä nigezlängän ikän. Änwär Xäyri balalarda Bilärgä, anıñ tarixına, tarixi häykällärenä karata mäxäbbät tärbiyaläde.

Konferentsiyadä tarixçı, TR Fännär akademiyaseneñ ägza-korrespondentı, tarix fännäre doktorı Fayaz Xucin; Bilär däülät tarixi-arxeologik häm tabigıy muzey-tıyulıgı direktorı Änäs Kutuew häm başka küp kenä möxtäräm kunaklar katnaşaçak.

«Bez härwakıttagıça nindider ber üzebezneñ küñelebezgä xuş kilgän, akıl bulgan säbäp belän cıelabız. Änwär abıegız Sälätne, sälätle balalarnı kaygırtıp yaşäde. Äle ul gına da tügel, ul sälkeşlärgä Bilär tarixın öyrätüdä zur öleşen kertte. Üze dä öyrände, kiläçäk buınga da citkerergä tırıştı. Izge keşe ide. Bezneñ anı onıtırga xakıbız yuk! Küñelebezdä mäñge yaşär!» – dip cılı xatirälären barladı «Sälät» proektları citäkçese Ädip Älmir.

Tarix fännäre doktorı Fayaz Xucin: «Änwärneñ tormış yulı üzençälekle buldı: çın tatar balası ide ul! Millätenä xezmät itep, şunnan täm tabıp yaşäde. Şunıñ belän xalkıbız tarixına kerep kaldı da inde. Balalar belän aralaşırga yarattı, alarnıñ çiksez soraularına cawap ezläde. Sälät Änwär Xäyri kebek millätpärwär yaşlärne tärbiyali» .

Konferentsiya tübändäge yunäleşlär buença uzdırıla:

- «Bilär kalası: tarix, bügen häm kiläçäk»;

- «Änwär Xäyri mirası»;

- «Min yaratam sine, tugan cirem» (mäktäbeñ tarixı, awılıñ tarixı, yaşägän uramıñ tarixı h.b.).

- «Gailäm tarixı» (minem şäcäräm, gailäm belän bäyle bulgan istäleklär).

Fänni yunäleştä eşläüçe ukuçılar! Gariza birü kampaniyase tämamlanuga berniçä kön kalıp bara.

Aşıgıgız!