Xalıkara yaşlär xezmättäşlegeneñ proekt ofisı açıldı ← kire kaytirga

Islam xezmättäşlege oeşmasınıñ proekt ofisı räsmi räweştä açıldı!
⠀
1 dekabrdä Kazanda «Bezneñ Tatarstan» X respublika yaşlär forumı kısalarında Xalıkara yaşlär xezmättäşlegeneñ proekt ofisı «Räsäy – islam xezmättäşlege Oeşması» yunäleşe buença üz eşçänlegen başladı.
⠀
Tatarstan prezidentı älege yunäleşneñ zur ähämiyatkä iya buluın bilgeläp ütte. Şulay uk Rossiya prezidentı da ilne islam dönyası belän yakınaytu maksatın kuygan ide. Ä monıñ öçen iñ yaxşısı – älege eşkä yaşlärne cälep itü dip sanıy Röstäm Miñnexanow.
⠀
Açılış wakıtında ike möhim dokumentka kul da kueldı.
⠀
Forumnıñ räsmi açılışında Tatarstannıñ yaşlär eşläre ministrı Damir Fättaxow häm Yaşlär eşläre buença federal agentlık citäkçese Aleksandr Bugaew proekt ofisın tözü turındagı kileşüne imzaladılar. Şulay uk Tatarstan Respublikası Yaşlär eşläre ministrlıgı häm IXO yaşlär forumı arasında xezmättäşlek turında Memorandumga kul kueldı.
⠀
Yaşlär Ministrlıgında uzgan utırışta Sälät aktiwistı, Proekt ofisınıñ citäkçese Timur abıy Nasibullin 2021-2023 ellarga eş planın täkdim itte.
⠀
Proekt ofisların buldıru yaşlärgä aralaşırga, monıñ aşa bezneñ illärne yakınaytırga, dönyanı yaxşırak häm tınıçrak itärgä etärgeç biräçäk.